Norway House (已結業)

平時喺街見到嘅小食，通常都離唔開燒賣同魚蛋。今日經過尖沙咀，偶然發現左呢間主打挪威三文魚既小店，主題幾特別，估唔到小食同三文魚呢兩樣野可以完美結合，味道幾有驚喜，價錢亦都唔算特別貴，買黎做下午茶同宵夜都唔錯！等緊嘢食嘅時候，發現呢度仲有挪威當地乾貨買，朱古力，咖啡粉同挪威魚蛋都有👍🏻而且價錢都相當親民！今日嘅特別菜式包括芥末三文魚，香檳橙三文魚同金莎三文魚，口味好特別，款款都相當吸引，原來三文魚既配搭都可以千變萬化。本來想食維京漢堡，但係可惜已經售罄，下次要早啲黎先得。-今次就嗌左煙三文魚糖心蛋，金沙三文魚，芥茉三文魚，仲有我最期待既挪威魚蛋😋全部食物都即叫即做，保證新鮮熱辣。煙三文魚糖心蛋，煙三文魚咸咸香香，蛋係流心而且係凍食既，夏天食就岩曬。金莎三文魚姐係鹹蛋黃加三文魚，賣相一流，係好靚既金黃色。熱辣辣既鹹蛋黃醬，包住嫩滑既三文魚。挪威魚蛋爽口彈牙，加上大量芝士，好香口。如果唔鍾意芝士，則可以選擇麻辣汁。芥茉三文魚，三文魚香脆，配上大量芥茉醬，比較重口味。