臺北棧 (港威商場)

营业中

休息中

飲品方面叫咗杯觀音兵，聽個名都覺得幾搞笑😂其實佢係鐵觀音茶酒，茶加酒呢個配搭真係第一次試，原來又幾夾🥃佢個酒精濃度唔算太高，加埋有茶可以解酒，完全係一個好平衝嘅配搭！另外一杯係熱黑糖薑母茶，好養生嘅一杯，黑糖甜甜地好好味，加埋薑嘅味道，飲完非常暖胃💛小食叫咗個酸辣雲耳蓮藕，好鍾意佢個蓮藕口感爽脆，雲耳都好爽口，佢個酸辣汁真係不得了😍唔算好辣但係非常惹味，而家諗返起都流曬口水🤤仲叫咗份肉鬆皮蛋蛋餅，蛋餅份量都好多，賣相唔錯！蛋皮鬆軟，包住滿滿嘅肉鬆已經相當美味👍🏻入面仲有好多皮蛋，真係超足料！食完呢份蛋餅真係好飽，超滿足✨