古今二 (荃灣千色匯I) (已結業)

平時食日本菜，來來去去都係刺身壽司🍣，好似比較普通，今次見到呢間餐廳主打嘅特色卷物，只係睇餐牌啲食物名已經覺得好特別，齋係個名已經有心思但又估佢唔到，一於揀啲野食下先。柚想蝦你一睇個名就知係柚子大蝦沙律，大大碗，份量夠3-4人食，有新鮮蔬菜，爽甜蘋果，健康香滑牛油果，清甜柚子肉，仲有海草，甜蝦等，材料豐富，柚子汁酸酸甜甜，非常開胃。蜘蛛估佢唔到，炸軟殼蟹就係蜘蛛隻腳，造型好特別，真係同蜘蛛有幾分相似。軟殼蟹炸得夠脆，卷物仲有牛油果，蟹柳，層次豐富，味道唔錯。火山呢個卷物絕對要order，一上枱，侍應就會點火，卷物隨即被熊熊火光包圍住，超級搶眼，絕對係打咭必點。📷📸火山嘅真身係牛油果蟹柳卷，上面鋪左大量半溶芝士蟹柳絲，米飯分明，牛油果柔軟細滑，連埋大量蟹柳絲同埋蟹籽，真係睇得又食得。雜錦天婦羅炸粉唔會好厚，而且唔會油淋淋，食完成口油，幾好。紫蕃薯天婦羅軟糯香甜，秋葵天婦羅仲釀左蝦滑係裏面，好食。呢餐嘅卷物出色有創意，食得好滿足。