今和壽司 (已結業)

咪睇呢間舖頭細細間 佢嘅壽司卷物款式多到嚇死人 我哋眼闊肚窄叫咗好多嘢😚明太子雞翼 明太子一向係我最愛 釀入雞翼入邊 無骨啖啖肉超級正 一咬開超級多明太子 少少辣好惹味🥰叫咗三款手額壽司 👅油甘魚鮮甜肥美 厚切厚度媲美刺身級 火焰左口魚配黑松露 左口魚本身油脂豐富 加埋黑松露回甘 好正 我最愛嘅係三文魚子 粒粒分明 好大粒 一咬落去爆漿嘅感覺真係好正🤡最後都主角出場 擺碟好震撼 排得好有心機打卡一流 味道方面都好好 配搭好有特色 🤟炸壽司裏面有牛油果三文魚 口感脆得來又軟 配埋芝士醬好特別個鰻魚牛油果卷 排到好似成朵花咁 睇到都唔捨得食😻仲要讚一讚店員服務超好 同我哋講解好多唔同卷物嘅配搭 有機會一定再嚟！弓