影片
更多
2017-10-28
1915 浏览
平時食印度菜，為人熟識的都係去重慶大廈，但其實尖沙咀食印度菜仲有呢間位於亞士厘道的Saravanaa Bhavan選擇，呢度係食齋的，朋友都未試過印度齋菜，一於食餐試下！呢度地方好大好多位，仲有露台，好好feel ! 露台則邊有洗手盤俾你洗手食野，方便用手攞烤餅食呢！我們閒日夜晚來都好多人食，幾乎滿座，應該無揀錯呢！餐牌超多選擇，平時食開印度菜不外乎是豬牛雞肉咖喱加烤餅同蔬菜類，估唔到呢度食齋，反而仲多選擇！首先揀左杯芒果奶昔$35，同印度香料奶茶$30，芒果奶昔超正，有濃濃的鮮芒果味，奶昔質地濃稠，味道甜甜地，又幾開胃喎！印度香料奶茶就是喜歡香料味，平時港式奶茶要喝茶香，而這杯印度香料奶茶，在茶的甘香外，還添上一份像玉桂像香囊的香氣，味道本身夠香濃，我決定不加糖，喝它的原汁原味！屬於北印度的馬莎拉牛油雜菜$70。雜菜就是有青豆、紅蘿蔔粒和豆角，牛油味與咖喱混和，微辣中帶香甜味，因為蔬菜本身有甜味，爽口的蔬菜粒配上這個咖喱好有口感，推介！覺得特別的印度中式菜，名叫：印度四川麵，附上茄汁，$75, 會否好辣呢？麵質較軟身，有點像上海湯麵質地。醬汁煮得乾身，中辣，因為混合四川煮法，走香辣路
呢度地方好大好多位，仲有露台，好好feel ! 露台則邊有洗手盤俾你洗手食野，方便用手攞烤餅食呢！我們閒日夜晚來都好多人食，幾乎滿座，應該無揀錯呢！
餐牌超多選擇，平時食開印度菜不外乎是豬牛雞肉咖喱加烤餅同蔬菜類，估唔到呢度食齋，反而仲多選擇！
首先揀左杯芒果奶昔$35，同印度香料奶茶$30，芒果奶昔超正，有濃濃的鮮芒果味，奶昔質地濃稠，味道甜甜地，又幾開胃喎！
印度香料奶茶就是喜歡香料味，平時港式奶茶要喝茶香，而這杯印度香料奶茶，在茶的甘香外，還添上一份像玉桂像香囊的香氣，味道本身夠香濃，我決定不加糖，喝它的原汁原味！
屬於北印度的馬莎拉牛油雜菜$70。
雜菜就是有青豆、紅蘿蔔粒和豆角，牛油味與咖喱混和，微辣中帶香甜味，因為蔬菜本身有甜味，爽口的蔬菜粒配上這個咖喱好有口感，推介！
覺得特別的印度中式菜，名叫：印度四川麵，附上茄汁，$75, 會否好辣呢？
麵質較軟身，有點像上海湯麵質地。醬汁煮得乾身，中辣，因為混合四川煮法，走香辣路線，有別於平時印度香料和汁多的煮法，有特色而且好好味！有好多椰菜絲、紅椒一齊炒，每啖都好爽口，有加輕微豉油，咸辣的蔬菜麵超惹味！是特色fushion菜就真！份量細細碟我一個人都食得晒！點茄汁食就有點像意粉，增添酸味平衡辣味，我喜歡不加茄汁食。
蕃茄洋蔥班戟$60，配辣豆湯及三色酸辣醬，中間圓碟是辣豆湯。
班戟是軟身的，比印度薄餅厚，混合蕃茄和洋蔥一起吃，很有口感，味道淡的，要加三色醬食。辣豆湯小辣，看似咖喱原來不是，內裡有薯蓉，增添湯的濃稠度和香味，有洋蔥蕃茄，和辣椒辣豆，好開胃的小食！三色酸辣醬分別有橙色酸辣味，白色椰汁味，和黄色甜味，內有印度香料混和，我喜歡椰汁味呢！
我把牛油雜菜加上班戟食，又變左另一道菜式哈哈，爽口雜菜加軟身班戟食都唔錯，雜菜汁夠濃味，好配合班戟呢！
呢6 個圓波波是咩來？是特色印度街頭素小吃：酸奶薯蓉配炸圓脆餅$65，好得意的食法，其實可以當係外面一個脆薄的泡芙，內有混合甜辣醬的薯蓉，上面灑了白色酸奶和黄色脆脆，吃一口，不得了，好好味！口感外層脆，內裡綠色薯蓉軟，味道酸甜，其實不辣的，層次很豐富，味道又不太濃，第一次吃街頭的素小吃呢！覺得很特別啊！
最後上甜品，玫瑰炸奶球兩件 $20, 吃過就覺得同我們的炸鮮奶很大分別，這個是煉奶味道，加了麵粉製成，上桌有糖水浸住，咬一口覺得很甜，滿口糖水，煉奶味超濃，內裡的炸奶質感是較鬆的，可能印度口味偏甜，跟港式甜品很不同。
總結而言，很滿意今次的印度素菜，而印度街頭素小吃又多種類揀，是最特別的。埋單$396,食得很豐富呢！
张贴
