肉搏食堂 (已結業)

放工時間，係美食雲集嘅尖沙咀，真係會花多眼亂。咁啱有店員係門口推廣，睇餐牌又覺得幾吸引，就決定食呢間餐廳😆🍽香煎牛肉配海膽丼大大塊牛肉片鋪滿係丼飯上面🥰而且仲有海膽做點綴。海膽味香濃，牛肉慢煮到半熟再切片，咬落唔會太韌，有口感，肉汁滲入丼飯中，每口飯都有香濃嘅牛肉味🤤值得一試！🍽角切魚生丼丼飯有三文魚🍣、吞拿魚、油甘魚、蟹子、牛油果🥑同雞蛋🥚，撈勻左雞蛋後，米飯變得滑溜有蛋香，魚生份量足夠而且新鮮，牛油果同魚生可能會有啲膩，可以撈少少芥末，令每口飯都帶點刺激感。😆🍽雞軟骨棒餃子雞軟骨做餡嘅餃子真係第一次食🙈外皮煎得香脆，雞軟骨切得細細粒，容易咬，內外唔同程度嘅脆口，非常有趣。😆🍹芒果熱情果梳打適合夏日嘅清新解渴飲品🍹 熱情果嘅酸酸甜甜、芒果嘅果香，再加上梳打水嘅刺激，完美組合！🍹朱古力曲奇沙冰隻杯好特別！打卡必點📸 沙冰朱古力味香濃，仲有曲奇碎，topping仲有忌廉同朱古力餅，邪惡又好飲嘅沙冰🍧