家全七福 (H Zentre)

营业中

休息中

早兩日萬聖節去左尖沙咀玩，先去家全七福酒家食合晚飯。荔蓉香酥餅一碟有8件，外層做得好酥脆，咬落去要小心燙口，芋頭蓉口感非常綿密，勁好食，喜歡芋頭嘅一定鍾意。釀焗鮮蟹蓋睇外表已經見到好特別，內裡有大量蟹肉和洋蔥，肉質鮮嫰多汁。燒BB 乳鴿我地各自一人食一隻，皮脆肉嫰多汁，好食。菠蘿咕嚕肉材料好新鮮，咕嚕肉一d都唔油膩，入口酸酸甜甜，好開胃。南乳炆粗齋煲裡面嘅材料非常豐富，有馬蹄、雲耳、粉絲、草菇等，每樣都吸盡南乳的鮮味，入口非常惹味。瑤柱荷葉飯(半份），店員會即場幫你打開，陣陣香味令你忍唔住食一碗，而且份量十足，一個人起碼食到3-4碗都未食完。依家越黎越少地方有得食懷舊芝麻卷和生磨合桃露，一見到餐牌上有，已經決定留肚等食甜品，芝麻卷嘅香味濃郁，口感Q陣軟糯。生磨合桃露口感豐澤細滑，啖啖有濃濃嘅合桃味。