夜梟 (已結業)

晚上同朋友去尖沙咀想搵個地方食下野chill 下，上網搵到這間夜梟好特別。梟即貓頭鷹，為一眾尖沙咀夜鬼而設的Fusion西餐廳酒吧，佔地兩層，樓下是酒吧，樓上為餐廳，有「遊戲人間」四個霓虹大字，全是fusion Chinese cuisine 。超推薦這款個菜名好有型的「拜神唔見雞」$188，上菜時以乾香茅和蘋果木煙燻，煙足可以遮蓋整道慢煮醉雞，嘩，睇得又食得，醉雞好入味，連伴碟的滑菇都好好食。妃子笑東坡$228 以真空慢煮36小時而成的東坡肉，真係每一口都是心思，這裡的菜色全是慢工出細貨，東坡肉面層有一層好薄透明的是荔枝果凍，入口即溶，真係味蕾的享受冇骨氣$88 蘋果玉桂配冇骨雞翼，蘋果金寶甜品就食得多，原來都可以做主菜，冇骨氣就是雞翼去骨，煎香雞翼，釀上蘋果玉桂，爽中帶甜。墨魚子煙燻野生三文魚慕絲配蝦餅$78 上菜時也是做到煙燻的效果，三文魚慕絲就像甜品一樣好軟綿口感，一口食下去，原來口感好豐富👍滑子菇豆苗豆乳湯$88 新鮮豆苗，滑豆腐配上大豆煮成豆乳湯，好香濃，又清新，估唔到這樣配搭又work仲有大大杯嘉士伯啤酒$98 美景美酒配美食🍷