影片
更多
2025-06-04
240 浏览
講到香港本地特色小食，你會唸起邊樣？我第一時間就唸到「雞蛋仔」，大人細路都非常喜歡！最近就見到有店舖推出大熱嘅菠蘿包雞蛋仔，將兩樣本地特色小食結合，一次過就可以食到咁特色嘅美食！呢間 Chicken Egg Boy 係上環永樂街，好多人排隊買呢個菠蘿包雞蛋仔，好彩我哋中午去到，唔使等太耐，自助落單之後坐定定等叫No.，仲可以望住佢哋整雞蛋仔！每一底菠蘿包雞蛋仔都係師傅人手製作嘅菠蘿包頂皮，再入焗爐烤焗製而成，拎上手真係熱辣辣，一粒粒好似迷你菠蘿包咁，每粒都好香脆，菠蘿包味濃，超級可愛，小朋友都食唔停口，記得要趁熱食喔！另外我哋仲試左鹹味嘅雞蛋仔，餡料揀左鹹牛肉、火腿、腸仔、餐肉，全部都係港式風味，食落有鹹香味，而且饀料豐富，真係要盡快食，如果唔係就會好快腍哂！飲品方面有港式奶茶、檸茶、檸賓，亦有西式咖啡，選擇都幾多，店舖仲有少量座位及打卡位呢～PS：菠蘿包雞蛋仔係有限供應架‼️早去早享受😎
我第一時間就唸到「雞蛋仔」，大人細路都非常喜歡！
最近就見到有店舖推出大熱嘅菠蘿包雞蛋仔，將兩樣本地特色小食結合，一次過就可以食到咁特色嘅美食！
呢間 Chicken Egg Boy 係上環永樂街，好多人排隊買呢個菠蘿包雞蛋仔，好彩我哋中午去到，唔使等太耐，自助落單之後坐定定等叫No.，仲可以望住佢哋整雞蛋仔！
每一底菠蘿包雞蛋仔都係師傅人手製作嘅菠蘿包頂皮，再入焗爐烤焗製而成，拎上手真係熱辣辣，一粒粒好似迷你菠蘿包咁，每粒都好香脆，菠蘿包味濃，超級可愛，小朋友都食唔停口，記得要趁熱食喔！
另外我哋仲試左鹹味嘅雞蛋仔，餡料揀左鹹牛肉、火腿、腸仔、餐肉，全部都係港式風味，食落有鹹香味，而且饀料豐富，真係要盡快食，如果唔係就會好快腍哂！
飲品方面有港式奶茶、檸茶、檸賓，亦有西式咖啡，選擇都幾多，店舖仲有少量座位及打卡位呢～
PS：菠蘿包雞蛋仔係有限供應架‼️
早去早享受😎
张贴
