Shine (已結業)

今日去咗尖沙咀呢間shine食西餐 餐廳佈置優雅有情調坐低冇耐就叫咗呢個牛油果大蝦沙律做前菜 個汁酸酸甜甜幾開胃 啲蝦都算大隻 份量都好足 但牛油果個人略嫌太大舊同太硬之後再叫多咗個小食炸魚柳 賣相唔錯 外脆內軟 炸皮薄魚肉多 好足料配埋特製嘅他他醬好夾好好味 非常推薦大家嚟到是你一個 主食就叫左特級安格斯漢堡配薯條 一睇個包嘅厚度就知道佢有幾足料 餡料包括蘑菇牛肉番茄生菜洋蔥 蘑菇同牛肉特別夾 咬落去好多汁口感好豐富 而配菜薯條亦都好新鮮 即叫即炸熱辣辣 但相比之下冇之前個魚柳條咁突出 整體上都好滿意之後仲叫多咗個香煎半熟帶子配黑魚子醬意粉 個人覺得黑魚子醬配三文魚子連意粉一齊食會偏鹹 但值得一讚嘅係帶子好軟熟 煎得啱啱好之餘又好大粒