FLIPPER'S (已結業)

話說呢排真係無咩mood 食嘢 個人無力感好重個人好壓抑 呢個時候更加要食多啲嘢-上兩個星期食同朋友嚟咗Flilppers 食pancake, 原因係佢係日本無食到，所以想去。叫咗一杯芒果熱情果特飲，一個芒果pancake同一個原味嘅pancake. 先講pancake, 原味嘅味道同之前差唔多，但質感就差左，食食吓會見到有啲皮係煎得過熟，有啲皺皮。芒果味嘅pancake, 個啲芒果算幾好食，但pancake 上有杏仁味，唔知係咪灑左啲杏仁霜上去，鍾意食杏仁嘅人應該覺得ok, 但唔鍾意食嘅朋友，就會覺得好失望了，我企中間，所以有無都無乜所謂，同埋其實食食下都幾夾吖同啲cream. 我就覺得ok 既但係就無之前覺得咁好食。個芒果熱情果沙冰，睇圖好靚，點知。。。真係為咗個圖而飲衰會失望喇，唔係話唔好飲，但無乜特別，普普通通咁啦。