東海堂 (已結業)

昨天同事話好想食這裏新出的一款蛋糕,特濃朱古力蛋糕,於是食完晏就行出去德福廣場買啦,其實前一日已嚟左睇,但其中一個同事話個樣好似好假咁,d朱古力好似漆皮咁,有點怪,所以冇買到,但過了一日,另一個同事話好想食於是就決定去買,因話似漆皮既同事放假啊.去到見display的一款唔似最靚,就問下有冇第二個啦,佢地話每日原來得一個架,話係每朝先返貨,第一個咪好快賣晒?雖然不是最perfect,但都照買左啦.個蛋糕唔算好大,我諗一磅左右吧,但都可以切到十四件架,都好味呀,有一層朱古力醬,一層朱古力慕絲,跟住一層朱古力蛋糕,雖然朱古力唔係真係好濃,但都好滑身呀,又唔會太漏及苦呀.我覺得好味呀,但同事話唔太重朱古力味喎.