久両菜

营业中

休息中

一段日子沒有食過潮州菜，咁啱喺中環街市發現，店名叫做「九兩菜」，佈置掛滿潮州美食的燈牌，非常之吸引，所以決定入去食。先送上潮州傳統開胃小食，花生及鹹酸菜，花生煮至很淋，鹹酸菜超好味，因為少少甜，感覺很新鮮，估係自家製！蜆蚧鯪魚球外層佈滿炸米，所以非常脆，蜆蚧有少少辣，跟其他餐廳唔同。牛魔王例牌份量超大，4-6分享都適合，有牛腱及牛筋，煮得淋，牛筋勁多膠質。金不換花甲煲很新鮮，花甲大大隻，湯清甜。再來充滿鹹香的欖菜四季豆；最後核突佬炒飯，英文菜名是潮州炒飯，材料有腩肉、魷魚鬚、豆乾、蛋，未食過咁嘅配搭，唔錯呀！服務態度係幾好，上菜節奏適合，一到一到慢慢上，最後仲有潮州茶飲，我覺得價錢好公道，坐得又舒服。