古今二 (荃灣千色匯I) (已結業)

今日嚟到荃灣千色匯呢間古今二食日本fusion菜， 古今二嘅地理位置十分方便，地鐵站行去只需要十分鐘路程。 佢嘅裝橫行簡約清新風，入到去坐位都幾寬敞， 而且十分整齊乾淨。 睇完menu，決定叫佢嘅龍捲風沙律做前菜， 佢嘅沙律十分大盤，足夠三四人食， 超級豐富，好多蟹柳絲 ，而且好好食。 叫咗兩個小食一個係燒茄子另一個係網燒牛舌 ，特別推介佢嘅燒茄子， 佢烤得恰到好處，茄子好淋，再加埋佢嘅特製醬汁仲有櫻花蝦， 真係完美。 至於網燒牛舌，都好好食，軟硬適中好淋。侍應推介佢嘅三文魚頭湯鍋好受歡迎所以就叫咗一個嚟試，估唔到湯鍋嘅配料十分之多，除咗有菜同豆腐仲有整整一大個三文魚頭，而且湯亦都好鮮甜，一啲都唔腥。最後主菜方面我哋分別叫咗一個東京爆趣同一個富士山，兩個卷物都好好食， 東京爆脆裏面包住 應該係天婦羅，感覺好特別，至於富士山上面鋪住滿滿嘅蟹柳絲同配埋牛油果十分新