街坊Cafe (已結業)

通菜街出哂名多餐廳，一路行都會見到好多種類既餐廳，今次去到門口放滿menu既「街坊cafe」，睇出面既menu已經覺得好似好多野選擇咁-種類繁多，好多都想食，不過最後都係貪方便簡單，食set dinner。-街坊碗仔翅 + 什菌忌廉湯什菌忌廉湯好濃稠，可能落左d麥皮，令到口感更多層次，但就會變到冇咁滑，好似好多楂咁🤔碗仔翅偏稀，冇乜肉絲，菇反而唔少，味道唔算咸。-德國腸拼盤本身好鐘意食德國腸，不過呢到既德國腸就令我有d失望白色果條味道唔錯，另一款就同普通脆皮腸冇乜分別啦仲要成盆野都幾油下。味道雖然ok，但唔係我預期之內咁😓-羅勒醬蜆肉意粉數過，蜆肉足足有10隻足料呢。蜆肉有少少沙，仲可以接受，鮮味十足羅勒醬濃郁，唔會好稀，味道足夠，條條意粉都有醬汁包裹住Yummy-法式鵝肝雞肉黑松露意大利飯佢既鵝肝都算大塊，不過就唔係太厚鵝肝唔係全熟，如果怕生既朋友可能會覺得唔太岩😣佢既飯粒唔係珍珠米果種，唔會好黏身，所以會冇咁漏。忌廉汁充足，做到濃郁既感覺。菌味 + 蟹籽既微腥味，好夾-價錢偏貴，不過野食既quality比我預期好呢。見到好多人食龍蝦，因為果到好似係sell龍蝦，如果有機會，都想試下