瀛豐放題料理專門店 (已搬遷) 新店位置

放題度度有，但有生蠔放題既地方就唔多，今次我地衝著生蠔放題而來🤩！只要+$98就可以任食美國生蠔，但加+118就可以任食美國法國皇家生蠔，差$20梗係加埋啦！先介紹重點既生蠔🤩先來每人兩隻美國蠔、兩隻法國蠔，兩者都係新鮮原殼即開即食，好新鮮，而且沖得乾淨！美國蠔睇落係細隻少少既，法國蠔就大隻飽滿，兩者都幾鮮甜！鍾意生蠔既朋友真係可以無限encore!!除左生蠔，呢度仲主打海膽帶子 (加拿大海膽+ 新鮮帶子)賣相都幾吸引，味道唔算好特出，但好少見放題有咁大隻帶子食，而且仲有生啤任飲！-講番一般放題，呢度都轉左用QR code 落單。先來每人一盅燉湯，很特別。刺身可以直接揀拼盤唔駛諗，當中最推薦嘅係大蝦！夠大隻鮮甜。三文魚腩質素也不錯！！有三文魚甘香。其他放題方面最特別的是它有很多不同泰式食物，而且每一客份量也有不少！連泰式生蝦都有！也有樟茶鴨，第一次食放題見到有。飲品也有不少選擇，我最喜歡它有提供提供無糖的烏龍茶！雪糕則用放題常見的Frutato!餐廳唔算好大，裝修簡約，但都有獨立房！甜品櫃，但我食其他嘢已很飽就沒有試了。