Cafe Whale

营业中

休息中

去親Burger店都係食牛肉雞肉魚柳漢堡配薯條薯角，今日就反一反傳統，漢堡包同埋小食都叫咗啲特別嘢。個burger就揀咗芥末蛋黃醬吉列墨魚漢堡，至於個小食就叫咗烤焗鱔仔乾。先講個小食，所謂嘅烤焗鱔仔乾其實就係鱔嘅炸脆骨，夠香口卜卜脆好好食。佢上面好似落咗啲大地魚粉，所以特別惹味。以$48呢個價錢，呢間舖頭俾嘅份量都算多。個芥末蛋黃醬吉列墨魚漢堡非常好食，雖然個吉列墨魚其實即係厚身嘅炸墨魚餅，但係佢個墨魚滑做得好出色，入面特別加咗大粒嘅墨魚粒，所以咬落去嘅時候有層次感，同手打牛肉漢堡扒同出一轍。佢個吉列墨魚好厚，咬落去好開心。芥末蛋黃醬都調得幾好，真係值得試吓，唔使下下食啲傳統款式嘅burger。