永勝冰室 (北角） (已結業)

誠意推介北角場外投注處永勝冰室，特別推介俾我一斑港島東返工既老友🤗。位於地點方便但又唔太繁忙既電氣道，如果坐港鐵，記得由B出口出，經行人天橋過馬路，落到電氣道地面轉右行50米左右就到，跟Google地圖去北角站出，就行得比較遠。講返冰室，呢度係自助式的，一踏入冰室就會有穿著型格又懷舊的制服人員引領你入內。入到去可以自己搵個自在舒適的窗口位，或者同朋友一齊坐既2人或4人位，總之坐邊都好，總會有個電視俾你睇😄推介冰室，當然要講下食物，朋友食左冰勝皇牌餐，另一個食左收銀姐姐推介既西冷牛扒意，我就破例食左個碟頭飯－瑞士雞脾煎蛋飯😄，加配左永勝紅豆冰😍。雞脾嫩滑又入味，飯量適中，我都難得成碟食晒☺，紅豆冰就偏重牛奶味，應該係用左十字鮮奶，所以好啱喜歡鮮奶既我，而且又唔會好甜😊。最後送既勁薑雪糕，真係好夠薑，完全係薑汁撞奶d Friend😘。總之，呢個咁親民既價錢，有個馬場永勝冰室既環境，又有港式地道食品，俾佢5粒星啦!⭐⭐⭐⭐⭐😁