影片
更多
2015-12-15
10606 浏览
係呢個特別嘅日子，就揀咗 The Peninsula Hong Kong 嘅 Imasa 今佐 去慶祝。呢度絕對係值得嚟嘅，因為真係好物有所值。睇相好似唔係好多嘢，不過我真係影唔晒。今佐係食日式嘅Semi-buffet, 每人會有兩個手卷，一個主菜，一個烏冬，同一份甜品。任食嘅有前菜，沙律，魚生，海膽，長腳蟹，小菜，生果同西式甜品。食物嘅質素唔洗講都知道好啦，半島喎。塊塊魚生都半寸厚，大大件，種類都唔少架；有甜蝦，帆立貝，油甘魚，三文魚，劍魚，吞拿魚，魷魚....最重要就梗係海膽任食啦，仲要係好新鮮好甜嘅海膽，每一份都有大概十條架，食下食下真係會食咗成版海膽。食食下佢地就拎咗另外兩樣嘢嚟話額外送嘅，一個係魚生加鮑魚加超級大蝦 （可能因為我都食得早，所以有呢樣，因為後期見到個啲係無呢隻大蝦同呢款魚生，得返普通魚生，姐係飲食嗰啲）。另一樣係鹽燒秋刀魚，真係未食過咁好食，呢一樣係成餐都好好食嘅特別好食之一，真係好想食多次，不過我諗下次再去都未必食得到，因為menu係無嘅。手卷有三文魚子同toro揀，啲紫菜好脆，入面啲toro多個飯咁滯，正！！！至於buffet嘅小菜，有三文魚忌廉湯，芝士焗帶
今佐係食日式嘅Semi-buffet, 每人會有兩個手卷，一個主菜，一個烏冬，同一份甜品。任食嘅有前菜，沙律，魚生，海膽，長腳蟹，小菜，生果同西式甜品。
食物嘅質素唔洗講都知道好啦，半島喎。塊塊魚生都半寸厚，大大件，種類都唔少架；有甜蝦，帆立貝，油甘魚，三文魚，劍魚，吞拿魚，魷魚....
最重要就梗係海膽任食啦，仲要係好新鮮好甜嘅海膽，每一份都有大概十條架，食下食下真係會食咗成版海膽。
食食下佢地就拎咗另外兩樣嘢嚟話額外送嘅，一個係魚生加鮑魚加超級大蝦 （可能因為我都食得早，所以有呢樣，因為後期見到個啲係無呢隻大蝦同呢款魚生，得返普通魚生，姐係飲食嗰啲）。另一樣係鹽燒秋刀魚，真係未食過咁好食，呢一樣係成餐都好好食嘅特別好食之一，真係好想食多次，不過我諗下次再去都未必食得到，因為menu係無嘅。
手卷有三文魚子同toro揀，啲紫菜好脆，入面啲toro多個飯咁滯，正！！！
至於buffet嘅小菜，有三文魚忌廉湯，芝士焗帶子，日式蒸蛋，日式咖哩雞，炒雜菜 （好似仲有不過唔記得。 忌廉湯，正！好多三文魚，好濃三文魚味，唔係怕太飽真係會飲多碗。日式蒸蛋，好滑，入面好多料。至於個雞就麻麻，啲雞煮得老咗少少。
主菜可以二揀一，一個係鐵板燒螺，另一個係鹽燒喜知次。我自己就鍾意個螺多啲，又爽又腍。喜知次都好食，不過因為有好多魚油，而我又唔太鍾意魚油，所以就覺得無咁好食，但係都係好靚好好味嘅。
其實食到呢度都已經好飽，不過仲有一碗和牛稻庭烏冬，真係溶係口嘅牛肉，雖然得一塊，不過都好好味，個烏冬又幼又滑，好大一碗，唔係要留返少少少少咁多位俾甜品，我會食晒碗麵。
甜品每人會有兩球雪糕，一個係紅豆，另一個係3.6北海道牛奶，兩個雪糕都超好食，係成晚好好食嘅特別好食之二。至於另外任食嘅甜品，最鐘意係咖啡撻，上一次係人哋婚禮食過，今次又有得食，好開心。朱古力慕絲餅 同 士多啤梨芝士蛋糕都好食，size 細細，飽咗都仲食得落。Macaroon，就一般般，最好味係焦糖同朱古力味，但係我都係鍾意自己整嘅多啲=P。
呢一餐真係食得好滿足，仲好鬼死飽，得閒真係要搵啲藉口再嚟食過先。
张贴
