Twinkle Baker Decor (已結業)

同事離職都興買散水餅，嚟嚟去去都係買果幾間，今次有驚喜！全部都係港式茶餐廳食品同飲品嘅口味，夠哂地道，仲要係變成甜點！真係好犀利呀！凍檸茶杯子蛋糕~唔單止口味係凍檸茶，連裝飾都落足心機，一見到就有熟識嘅感覺！先食上面嘅檸檬開吓胃，酸酸地咁，再食埋下面嘅CAKE就中和到CUP CAKE嘅甜喇~佢有落到茶葉，都有茶香味，都幾似架！奶醬多杯子蛋糕~呢件係另一位同事嘅，聽佢講都好似好好味呀！其實……離別嘅苦，係咪可以用CUP CAKE嘅甜去COVER?