Twinkle Baker Decor (已結業)

因為店內無樣睇，結果訂咗蛋黃哥波蘿包蛋糕，本身都係諗住睇樣，食係無咩要求，佢話4寸，手掌咁大，比想像中仲要細，結果，在店內選購幾件細餅配搭，，真係要用難食來形容，波蘿皮食唔到有味，口應似希靈魚子，，蛋糕像藥用綿花，朱古力慕絲都可以整得難食，佩服佩服！

✨新一年食個"順風順水順風車" 蛋糕， 希望今年所有嘢順順利利，🎈 身體健康， 送走黑氣👋。❤️每逢節日總會搵 @twinklebaker , 不論包裝, 食品或味道， 總會畀到驚喜我🤩。今次呢個蛋糕有粉紅/暖黃既朱古力幸運風車，仲有粉紅桃花朱古力，配上金箔裝飾，喜氣滿滿💕。蛋糕口味係由原味牛油忌廉, 紅桑莓吉士忌廉，朱古力脆珠，紅絲絨牛油蛋糕所製， 口感豐盈有層次感， 視覺上亦好鮮艷搶眼😍， 蛋糕口味微甜， 食多兩件都唔會覺得膩。~~~~~~~~😋味道: 8. 5/10📸賣相: 10/10🛋️環境：9/10💁‍♂️服務: 8/10💎性價比: 8/10💲價錢：$298⏪回頭率：90%~~~~~📍 @twinkleBaker 全港16間分店~~~~~

又到左我最最最鍾意嘅月份啦(о´∀`о)雖然今年聖誕節我諗大家都係留係屋企慶祝㗎啦🤧所以更加有藉口訂番個靚啲嘅蛋糕，感受下節日氣氛！每次經過 @twinklebaker 都會忍唔住望下佢哋嘅蛋糕，今次終於比我有機會試吓喇～整體來講，佢顛覆咗我對呢啲好靚嘅蛋糕嘅感覺，成日覺得呢啲好睇唔好食，一定會好甜膩，但今次真心有驚喜，一家人都爭住食😹.💫整體體驗 𝐎𝐯𝐞𝐫𝐚𝐥𝐥 𝐄𝐱𝐩𝐞𝐫𝐢𝐞𝐧𝐜𝐞✨食物 𝐟𝐨𝐨𝐝 7.5/10環境 𝐞𝐧𝐯𝐢𝐫𝐨𝐧𝐦𝐞𝐧𝐭 - 服務 𝐬𝐞𝐫𝐯𝐢𝐜𝐞 7.8/10性價比 𝐚𝐟𝐟𝐨𝐫𝐝𝐚𝐛𝐢𝐥𝐢𝐭𝐲 7.2/10回頭率 𝐫𝐞𝐯𝐢𝐬𝐢𝐭 7.5/10🌟.《願望樹》$598 🌟7.8/10🌟呢一個5吋聖誕蛋糕除咗好靚之外，味道上都花咗好多心思㗎～頂部嘅玻璃球有聖誕樹造型嘅抹茶曲奇餅，曲奇香脆，同底部圍邊嘅綠茶金寶碎互相呼應～蛋糕嘅內層由72%朱古力慕絲蛋糕與朱古力牛油蛋糕組成，超喜歡呢一個一啖慕絲蛋糕，一啖牛油蛋糕嘅口感！中間亦都夾雜住焦糖軟心同鮮香蕉肉，呢一個部份就有少少似啫喱嘅口感，焦糖軟身冇我想像中嘅甜膩，幾得意！整體朱古力味濃郁，無論係口感定係味道嘅層次上亦都非常之

以前成日都有好多人問我，如果要買好食嘅蛋糕，除咗係一般嘅連鎖店之外，仲可以去啲咩地方，我自己都唔係好識答，但今日行過沙田嘅時候，就發現呢一間蛋糕店，裏面仲有天仁茗茶嘅蛋糕，真係幾特別。呢一間蛋糕店個鋪面都幾大，除咗有蛋糕買之外，亦都會有唔同嘅小食。蛋糕嘅設計亦都幾精緻。仲有小籠包款式揀，真係頂癮。買咗一個蛋糕叫「粉紅甜心」，其實買呢個蛋糕，識我嘅朋友都知道我唔係買俾自己食，如果要買比自己食嘅話，梗係買朱古力比我今次買俾朋友食，所以就揀咗呢款。蛋糕上有一個用糖整成嘅心形🧡，裏面亦都有一啲細嘅朱古力，加埋士多啤梨中，同埋士多啤梨糖漿，雖然好邪惡但賣相非常之好，至少送俾人嘅話，一啲都唔失禮。蛋糕甜甜地，中間亦都有餅碎同埋Cream，質感都幾豐富，幾唔錯。價錢來講， $368 ，唔算特別平，但係如果食過設計嘅話，就冇咩所謂啦🤣

適逢朋友生日去西九野餐慶祝，見到呢個咁有特色又有趣嘅生日蛋糕～就決定揀呢個蛋糕去影影影相啦～～ UM～老實講，見到呢個外形嘅蛋糕都唔多預會好食，所以都係一心當佢係一個拍攝道具🤣 到埗坐定定、準備好晒啲嘢點擺，就拎咗呢個主角出嚟畀壽星了～ 第一眼都surprise 到佢～個外形太討喜喇！ 但可惜係個壽桃頂頂個位撞咗撞，甩咗少少⋯⋯ 影完相～切蛋糕！ 壽桃 - 第一刀又係個少少surprise位，個個都以為個壽桃係硬的，點知原來質地似慕絲，勁creamy，同好香 香桃味！ 壽牌 - 似平時生日蛋糕嘅生日牌咁，都係朱古力牌，但薄啲、冇咁膩。 籠邊 - 都係朱古力（個個都以為係翻糖）。切完每人1/5 個分量後嚟講就可接受，唔算太甜太漏。 蛋糕餡 - 個蛋糕中心就係海綿蛋糕、cream、士多啤梨。  食完覺得最出色係個creamy嘅壽桃🤤  結論：影相打卡10分；味道5.5分🙈 

每年父親節我哋都會出去食海鮮，飲番杯啤酒！多謝咁多年爸爸辛苦嘅養育之恩！今年都唔例外！放咗工行過K11見到啤酒形狀嘅甜品原來係啤酒造型嘅蛋糕！！！平時好鍾意飲啤酒嘅爸爸一定好鍾意！而家仲做緊promotion早啲買有八五折至八八折仲送埋咸檸啤手工啤酒一支添！本來想買個攪珠糖嘅蛋糕最後都係揀返個啤酒造型蛋糕！個外型夠晒吸引蛋糕有好多個層次主要係以鹹檸七嘅味道為主，有柚子咸檸蜜嘅蛋白霜之下係鹹檸蜜蛋白慕絲！😍鹹檸蜜啫喱、一層層咁切上！真係好豐富嘅鹹檸七味！仲帶一啲酒香添！爸爸見到都好開心哈哈大笑！祝每個爸爸父親節快樂

前排喺尖沙咀見到 Twinkle Baker Decor 嘅蛋糕勁吸引😍最後忍唔住買左個櫻花樹下返屋企🤪.櫻花樹下🌸賣相超級靚✨成個都好 pinky 少女心爆發💗蛋糕面頭咁靚嘅裝飾其實係一支支棉花糖，仲有白色粉色珍珠同埋櫻花朱古力☺️粉色糖霜入面其實係海綿蛋糕🍰一切開就見到蛋糕俾兩層白桃忌廉慕絲夾住🤍蛋糕質感鬆軟濕潤🤤慕絲入面有一粒粒白桃果肉🍑整體唔會太甜，唔會膩😋仲幾清新，味道雖未到驚艷，但夠晒特別

小時後未開設銀行戶口，拆完利是就會放進錢罌，當中豬仔錢罌可說是經典中的經典，更成為了幾代香港人的童年回憶，最近Twinkle Baker Décor 推出時光機蛋糕系列，重現昔日兒時玩意。Twinkle Baker Décor 最出名的扮清糕By Twinkle系列，以獨創的茶餐廳口味Cupcake將香港文化融入西式甜品當中。櫥窗裡琳瑯滿目，蛋糕款式繁多，延續品牌「扮哂嘢」精神，造型風格多變，充滿創意玩味。時光機蛋糕系列有豬仔錢罌和飛行棋兩款，甚有香港本土特色，將新舊元素交融迸發全新火花。蛋糕盒上的插畫同樣走可愛風，而且包裝夠穩固，即使長途跋涉返回家中，內裡的蛋糕都沒有走樣變型。舉高雙手豬咪咪 $368豬仔錢罌樣子肥肥白白，極之趣緻，喚發童心，代表豐衣足食和家肥屋潤，重現舊香港最純真的情懷，令人回憶起小時要拆開完全密封、沒有開口的豬仔錢罌，真的要下定狠心才會捨得「宰殺」牠 XD外層為口感柔滑的牛奶薑蜜慕絲，薑香濃郁，帶有微微辛辣之氣，激活味蕾，原味牛油蛋糕質感就如雪朵般輕柔綿密，清新柚子蜜夾層散發天然酸甜果香，配合混在蛋糕中間的焦糖脆脆，讓充滿層次的滋味在嘴裏一次綻放。

大家食連鎖餅店既蛋糕可能都食到有D悶今次黎Twinkle Baker Decor買左個蛋糕, 真心驚喜Twinkle Baker Decor有小cup cake另外仲有好多造型好靚既蛋糕我就比其中2款吸引, 一款係幸福果子, 寫住一切開就係好多粉紅色朱古力粒跌出黎另外一款就係羽你盛開, 上面有2隻好靚朱古力天鵝我最後就揀左羽你盛開, 因為比較鍾意呢個蛋糕裡面既饀料總共有五層1. 朱古力甜酒手指餅 (Baileys)2. 朱古力慕絲3. 朱古力杏仁布朗尼4. 朱古力脆珠5. 朱古力榛子醬成個蛋糕仲有一層薄薄既cream包住, 呢個cream真係非常好食好滑, 好少食到咁滑既cream, 而裡面既朱古力餡味道好有層次, 有微微酒香成班朋友食完都大讚好味, 下次要去買返個

今日家姐生日，幫襯下連鎖蛋糕店以外既選擇☺️間舖好似都有好多小蛋糕，但今次生日所以買左原個蛋糕。-幸福果子 $298個樣真係超靚唔捨得食😍😍😍同屋企人影左好耐相先食🤣一層層忌廉上面有啲珠珠，再有個心型朱古力牌，好靚呀❤️❤️❤️切開入面係滿瀉既心型朱古力豆，蛋糕係朱古力牛油忌廉同朱古力牛油蛋糕，好濃厚既朱古力味，好豐富，唔好睇佢細細個咁但因為好高所以份量都多，6-8個人都夠食呀。😋😋😋

星期二下午whatsapp落單，星期四午飯時間取！稱晚上8:00前過數確定訂單！一定要櫃員機過數不接受網上轉帳！放工即趕到銀行過數！晚上7:30分whatsapp收據後失蹤。whatsapp 不回應。到星期三中午12時才回覆做不切建議訂另一款蛋糕！改什應壽桃做型！不同意可退錢！態度號不在乎！這難道是錢的問題，做生意有沒有誠信？最後不同意。即時銀行轉帳退款。不是沒有網上銀行嗎？未見過這樣不知所謂沒有誠信店鋪！

成日經過呢間扮清榚都覺得D cupcake 幾得意Cupcake 呢家野應該系西式榚點，但系twinkle 幾成件事變得好中國風，近排經過見到間鋪出左個茶餐廳扮清榚系列望下D口味，全部都系茶餐廳product ，幾得意本身呢大食妹真系唔好cupcake，但又敵唔過好奇心，就買左一舊仔試下呢<港色奶茶扮清榚$28>Cupcake size 同平時食的差唔多上面的Icing 真系奶茶色咖，的的骰骰幾可愛食落。。。唔系好食得出奶茶味比起平時cupcake 無咁甜，不過唔算好食蛋糕有少少乾，奶茶cream 滑，不過食唔出奶茶味Gimmick 呢D野，可以試一次ge

多年前曾經買過Twinkle Baker Decor一系列「扮清糕」杯子蛋糕，一直覺得他們創作的蛋糕別具新意，今年中秋節更推出了兩款應節蛋糕，分別是「月·團圓」黑芝麻薑茶麻糬蛋糕以及「茶·敍」焙茶意大利軟芝士蛋糕，前者適合與家人朋友一同分享而後者個人獨享則恰到好處。預先網上訂購萬無一失，不過門市亦提供部分蛋糕現貨發售。黑芝麻薑茶麻糬蛋糕 ($368)蛋糕外層抹上灰黑色漸變忌廉模仿黑夜星空，而且更有一個白朱古力圓月裝飾。中間以黑芝麻慕絲和海綿蛋糕梅花間竹，大概為了承托面層裝飾，蛋糕及慕絲質感較為厚實挺身，不夠鬆軟，但黑芝麻香濃郁醇厚，最特別在於慕絲當中加入了麻糬粒，出乎意外地口感保持煙韌並無變得乾硬。而每層慕絲和蛋糕之間都有一層薑茶醬，混有糖漬薑皮味道甜中帶辛，彷彿將黑糖薑汁芝麻湯圓以蛋糕方式重新呈現。平時中秋節晚餐後總是以湯圓為甜品作結，寓意團團圓圓，今年改為與家人一同分享這款蛋糕，不論賣相抑或是味道亦別出心裁，新鮮感十足，而意義猶在。

呢間餅店個「扮清糕」系列好有gimmick，扮晒茶餐廳啲食物飲品。朋友好有心，買咗個奶醬多既蛋糕，再加一堆cupcake。奶醬多蛋糕都幾厚，大約4吋，蛋糕本身都係正常海綿蛋糕咁，再實多少少，但面頭嗰pat花生醬係超香濃🤤🤤🤤🤤🤤，大家都不停進攻嗰pat醬，蛋糕反而係陪襯，用嚟點醬用既😂😂😂😂咁多樣野入面奶醬多係最好食既，花生醬香就唔駛講，個味都比較natural。相對黎講，啲cupcake呢就再甜啲，藥水味又重啲，負責買蛋糕既朋友都唔太講得出邊隻打邊隻，利檳納得個色似，檸茶同佢都差唔多。總體黎講其實都唔係好對得返佢想表達既嗰隻味，試下開心下就算啦😂

呢間既件裝蛋糕好出色雖然款式唔係好多但會定期轉唔同既產品每次想買細細件既蛋糕都會諗起呢間就算食完生日飯 都唔怕食唔落蛋糕而且都好精緻 唔會怕失禮每款個口味都好特別朋友生日見到都好開心😆