之後仲叫咗個經典芝士漢堡，兩個漢堡都係有叫到小食同嘢飲🧃，小食就叫咗雞翼同薯角配車打芝士醬，至於嘢飲我哋就叫做可樂同薑味汽水🥤
小編就重點介紹佢個川味麻辣雞扒burger，一攞起個包就見到佢好多麻辣汁，另外仲有啲青瓜片同紅蘿蔔絲，雞扒都好大塊，整體來講份量都唔錯，食落去會有啲辣，食到中間個嘴唇真係好麻，不過係多麻嘅感覺，成個包食晒，成個嘴唇都好麻😂，小辣，唔係得好辣嘅朋友，其實都可以試吓，因為依個包係多麻少辣😌
另外經典芝士漢堡都做得唔錯，個漢堡同芝士好match，另外漢堡扒好Juice，好有口感😎👍🏻
最後係小食，小編就鍾意薯角多啲啦，薯角配上車打芝士醬，so yummy,又係一個好絕配嘅配搭，食唔停口✌🏻
整體來講，依間餐廳嘅burger都好唔錯，係食ing嘅過程期間我哋都見到好多人叫外賣，由於舖頭個位置唔多， lunch時間嘅朋友都可以叫外賣，望吓望吓，原來佢喺2020年攞到「best burger delivery & takeaway 」，所以如果有興趣試吓嘅朋友，可以試吓叫外賣🥡🤣
