壽司喰 (已搬遷) 新店位置

我同好多港女一樣，都係鍾意食啲戇 x x 生勾勾既日本野，刺身不嬲係我嘅最愛。不過中醫都話食得生嘢多唔好，最恐怖係新聞成日講到啲刺身好多蟲咁，所以都係少吃為妙，我覺得如果食啲百幾蚊一個lunch嘅刺身呢就有啲危險，所以就黎依家貴少少既餐廳食日本野，起碼自己安心啲。我食依個係刺身set lunch，有碗白飯又有碗烏冬，雖然我都夠食，但真心覺得碗烏冬少得好奇怪，好似俾人食剩咁得兩條。刺身都幾新鮮，但係唔知點解好 un ，可能唔係靚腩位。朋友叫既舌拿魚飯佢話 ok，唔差。豬頸肉沙律還好。依個80蚊既蒸蛋有海膽同黑松露，點知唔好食，根本三樣嘢就唔岩一齊食，係好唔夾，仲要好似臭臭地，金錢又浪費了。。。甜品好好味，唔太甜，幾清新。總括黎講，唔差，除左蒸蛋，都幾好食，但質素不值依個價錢。