影片
更多
2012-08-23
31 浏览
呢晚我地好準時係搭正1930去到攞位，waiters帶的地入店的最入近出菜處的雙人位；Menu也一早放在卓上。因為我係個好揀飲擇食嘅人，所以朋友同我商量咗成２０分鐘先決定好食乜，嘿~~好在waiters冇過來催促落單。食到最後，真心飽，但埋單也真心覺得"食品質素與價錢超唔成正比"，味道唔係差，不過又未至於好好食，普普通通都收過百蚊一碟，的確貴了點，真心覺得都冇乜下次機會再食，除非唔使我比錢啦。以次序上枱為：① Ｄrink (Spirits)：Smirnoff Vodka (on rock) ($46)② Miss Saigon 西貢雜錦米粉 ($98)③ Italian Style Clam and Mussel Soup 意式蜆肉青口蕃茄湯 ($108)④ Ｄrink (Healthy Cocktail)：Passion Fashion ($58)⑤ Fresh Vietnamese Spring Rolls 新鮮越南春卷 ($88)⑥ Chilled Soba with River Prawn Salad 河蝦蕎麥冷麵沙律 ($128)Sub Total $526 (10% Ser
因為我係個好揀飲擇食嘅人，所以朋友同我商量咗成２０分鐘先決定好食乜，嘿~~好在waiters冇過來催促落單。
食到最後，真心飽，但埋單也真心覺得"食品質素與價錢超唔成正比"，味道唔係差，不過又未至於好好食，普普通通都收過百蚊一碟，的確貴了點，真心覺得都冇乜下次機會再食，除非唔使我比錢啦。
以次序上枱為：
① Ｄrink (Spirits)：Smirnoff Vodka (on rock) ($46)
② Miss Saigon 西貢雜錦米粉 ($98)
③ Italian Style Clam and Mussel Soup 意式蜆肉青口蕃茄湯 ($108)
④ Ｄrink (Healthy Cocktail)：Passion Fashion ($58)
⑤ Fresh Vietnamese Spring Rolls 新鮮越南春卷 ($88)
⑥ Chilled Soba with River Prawn Salad 河蝦蕎麥冷麵沙律 ($128)
Sub Total $526 (10% Service Charge):$52.6
Total: $579
① Smirnoff Vodka ($46)
我呢杯係最classic原味果款，只係on rock飲，裡面有一小片檸檬，其實係冇檸檬味嘅，酒味唔太重，我想重酒味Ｄ添...哈！
② Miss Saigon 西貢雜錦米粉 ($98)算大碗，份量足，配料有白蘿蔔甘荀絲、水煮蝦，蝦丸，魚丸同烤豬肉條，中間為大米粉條放在生菜底上，生菜上面更有好多花生碎。
冷米粉質感ＯＫ唔難咬亦唔腍，有少少彈牙添，點醬汗食少少濕都唔錯；醬汁係深橙紅色的酸辣汁，唔杰又唔算稀，汁裡有洋蔥絲，少少酸幾開胃。
水煮蝦爽口；蝦丸算ＯＫ彈牙的；魚丸普通冇魚味唔咸算彈牙；豬肉條腍身易咬，唔錯。
③ Italian Style Clam and Mussel Soup 意式蜆肉青口蕃茄湯 ($108)蕃茄湯底濃郁，蜆肉同青口都好新鮮，湯中有芫茜碎吊味，好味，惜３片麵包唔脆身有點韌添。
④ Healthy Cocktail：Passion Fashion ($58)由熱情果、菠蘿同薄荷溝成，好奇怪的味道，又甜又酸....飲落都算好味嘅，個杯都幾靚添。
⑤ Fresh Vietnamese Spring Rolls 新鮮越南春卷 ($88)米紙包著蝦、豬皮、雞肉和菜，另配一碟生菜，醬汁中有薑絲，少少酸但又唔同Miss Saigon嘅Sauce味喎。
我都係第一次食米紙卷餡有豬皮，因為有膠性都幾好𡁻，開頭唔知咩來，𡁻𡁻吓就食到有豬皮味喇，不過豬皮分量應該係漸成條的一半，變左主角咁。
生菜爽口；米紙好清，連同Sauce都算夾。
不過我地對呢個都幾失望，因為本身大家都鍾意食米紙卷嘅，可能豬皮過多，味道的確麻麻，芽莊越式料理果款好食得多。
⑥ Chilled Soba with River Prawn Salad 河蝦蕎麥冷麵沙律 ($128)隻碟好大，份量都多，一大隻去殼河蝦放係中間，幾鮮甜但肉質實了點，可能煮耐咗啦。
已混合醬油及醋而微冷的蕎麥冷麵係河蝦下面，冷麵好味，蕎麥味足，連同蟹子同食好味，我鍾意。
最底層係沙律菜，爽口又新鮮。
张贴
