牛の鍋日本料理

营业中

休息中

同事中咗馬，請我食放題，揀咗一間環境、服務及食材都經過細心挑選嘅牛之鍋，任食多款火鍋配料及日本料理、刺身，還有一系列甜品，一定啱晒我口味！火鍋配料、飲品係自助，肉類海鮮和甜品等就要用手機落單。我哋揀咗每人一鍋湯底，花膠荳香魚湯和椰香沙嗲鍋，兩款都夠香濃。刺身都好新鮮，藍青口、三文魚、希靈魚、赤蝦、赤貝、珍寶帶子、泰式生蝦，樣樣都唔錯，爽口又有鮮味！三文魚腩壽司、火炙三文魚壽司、黑松露帶子壽司、燒鰻魚壽司、芒果吉列蝦卷，做得都有水準，唔會馬虎。肉類都係高質素，澳洲手切牛肉，肉味濃郁，口感豐富。澳洲M5和牛，大理石脂肪紋多且分佈均勻，肉質鮮嫩。豚肉肥瘦適中 ，有豬肉嘅香味。其他火鍋配料都好新鮮，蝦滑和海蝦彈牙，大白蜆、台灣鴨血、鮮冬菇、豆卜、香芋、布包豆腐、午餐肉。款式都有好多選擇，樣樣都想食！重有炸物芝麻雞翼、大蝦天婦羅、紫心香芋丸，即叫即炸，香脆可口。記得留肚食甜品，芒果布甸、軟雪糕，宇治末茶巴菲，抹茶味香，內有煙韌白玉、忌廉、脆脆，口感與味道都有。