影片
更多
2018-11-06
1438 浏览
牛我就食得多吉列牛真係未食過睇OPENRICE見到呢間評價唔錯今日一試，果然寧舍不同==============================入到黎已經覺得D裝修好優雅好舒服好似去左日本六本木果D咁沙律先黎左兩個沙律沙律菜都幾新鮮咬落去好爽口最特別係佢落左D海蜇係入面令到成個口感同味道都多左種層次唔會咁寡牛吉列盛合今日既主角！牛吉列盛合！超極力推薦！佢係要放上呢個咁精緻既鐵板上面燒而店員推薦每面只需燒約１０至１２秒咁樣塊牛就夠熟，亦都保持到一定生度，令肉汁唔會流失就算你要話我一句「唔係大聲就好戲架楊師傅」我都要大叫一句：「好好味呀！」微焦既表面，加上幼嫩既牛肉，仲有香脆又薄既吉列外層令趙每一啖都有唔同層次既口感衝擊住我味蕾仲要塊牛係超絕靚牛而１０至１２秒呢個燒既時間又可以好好咁保持入面既肉汁令你咬落去果陣微微燒過既油脂香同濃郁既牛肉香不斷散發出黎一開始我以為三百幾蚊會貴左少少但係食完之後完全覺得值呢個價！一品琥酌炒飯點估到一個炒飯除左飯仲可以有帶子、鮑魚同黑松露咁高級？呢到就係有帶子同黑松露非常之靚帶子好新鮮，而且封煎得岩岩好黑松露撈落飯到令成個飯既味道都昇華左必須一講既係佢隻鮑魚真
吉列牛真係未食過
睇OPENRICE見到呢間評價唔錯
今日一試，果然寧舍不同
==============================
入到黎已經覺得D裝修好優雅好舒服好似去左日本六本木果D咁
沙律
先黎左兩個沙律
沙律菜都幾新鮮
咬落去好爽口
最特別係佢落左D海蜇係入面
令到成個口感同味道都多左種層次
唔會咁寡
牛吉列盛合
今日既主角！牛吉列盛合！
超極力推薦！
佢係要放上呢個咁精緻既鐵板上面燒
而店員推薦每面只需燒約１０至１２秒
咁樣塊牛就夠熟，亦都保持到一定生度，令肉汁唔會流失
就算你要話我一句「唔係大聲就好戲架楊師傅」
我都要大叫一句：「好好味呀！」
微焦既表面，加上幼嫩既牛肉，仲有香脆又薄既吉列外層
令趙每一啖都有唔同層次既口感衝擊住我味蕾
仲要塊牛係超絕靚牛
而１０至１２秒呢個燒既時間又可以好好咁保持入面既肉汁
令你咬落去果陣微微燒過既油脂香同濃郁既牛肉香不斷散發出黎
一開始我以為三百幾蚊會貴左少少
但係食完之後完全覺得值呢個價！
一品琥酌炒飯
點估到一個炒飯除左飯
仲可以有帶子、鮑魚同黑松露咁高級？
呢到就係有
帶子同黑松露非常之靚
帶子好新鮮，而且封煎得岩岩好
黑松露撈落飯到令成個飯既味道都昇華左
必須一講既係佢隻鮑魚真係好新鮮
而且煮得岩岩好
唔會過火同未熟
口感煙韌得黎又食到啖啖鮮味
燒舞茸海鮮湯好特別既一個湯
佢係用左類似茶壺咁既器皿黎裝
然後倒落個類似茶杯到
非常之得意
而個湯本身真係好鮮甜
入面除左有鳴門卷，仲有舞茸、蜆同蝦等等唔同既材料煲成
令個湯每一啖都飲到唔同海產既鮮甜味
飲品叫左凍檸茶，味道都算唔錯，唔會太甜
==============================
唔好睇呢到少少野咁
其實都幾飽
因為飯量都唔少
埋單700蚊
你話貴唔貴？
我覺得唔貴
因為「唔好食既野，價錢再低都係貴； 好食既野，價錢再高都係平。」
而呢到正正就係物超所值
张贴
