影片
更多
2023-07-10
493 浏览
《虎鐵鐵板燒 - 銅鑼灣》日本料理黎講，除左百吃不厭既壽司之外，其實我都幾喜歡食鐵板燒，唔洗成日都食魚生既，熟既日式料理都可以十分精緻的。今次又係同車車去左食一間位於銅鑼灣既人氣鐵板燒餐廳，我地兩個就要左餐廳推介既虎鐵二人餐 $2880，全晚一共十個Courses 最尾飽到我抱住個肚走，同男士黎食個份量都一定足夠！💁🏻♀️牛油果海蝦沙律首先，我地由沙律同前菜開始，沙律入面有不少既牛油果片，仲有車厘茄、蝦、青瓜絲、沙律菜等等，所有食材唔洗食都已經知好新鮮，就咁睇牛油果既亮度同質感都知用料上乘，醬汁係酸酸甜甜既柚子醋汁，呢個配搭令人覺得好開胃💁🏻♀️蟹肉海膽松露溏心蛋而呢道菜個人覺得十分精緻，而且好鮮味。細細個蛋殼入面放滿混合左蟹肉既蒸蛋同埋海膽同松露，食落鮮甜而且好有層次感，黑松露既味道唔會搶過左海膽既甜味，睇得出諗菜式既人好有心思，超Like💁🏻♀️火焰黑松露汁煮帆立貝到左正式主菜啦，其實安排左座位之後，已經見到廚師不停咁喺我地面前選擇食材，睇住佢喺個魚缸入面拎起左D 海鮮，之後仲喺席前處理同調製醬汁，成件事其實都好有趣，有得食又有得睇，偷下師都好丫嘛。師傅煮好左帆立貝之後，喺我地面前
日本料理黎講，除左百吃不厭既壽司之外，其實我都幾喜歡食鐵板燒，唔洗成日都食魚生既，熟既日式料理都可以十分精緻的。今次又係同車車去左食一間位於銅鑼灣既人氣鐵板燒餐廳，我地兩個就要左餐廳推介既虎鐵二人餐 $2880，全晚一共十個Courses 最尾飽到我抱住個肚走，同男士黎食個份量都一定足夠！
💁🏻♀️牛油果海蝦沙律
首先，我地由沙律同前菜開始，沙律入面有不少既牛油果片，仲有車厘茄、蝦、青瓜絲、沙律菜等等，所有食材唔洗食都已經知好新鮮，就咁睇牛油果既亮度同質感都知用料上乘，醬汁係酸酸甜甜既柚子醋汁，呢個配搭令人覺得好開胃💁🏻♀️蟹肉海膽松露溏心蛋
而呢道菜個人覺得十分精緻，而且好鮮味。細細個蛋殼入面放滿混合左蟹肉既蒸蛋同埋海膽同松露，食落鮮甜而且好有層次感，黑松露既味道唔會搶過左海膽既甜味，睇得出諗菜式既人好有心思，超Like💁🏻♀️火焰黑松露汁煮帆立貝
到左正式主菜啦，其實安排左座位之後，已經見到廚師不停咁喺我地面前選擇食材，睇住佢喺個魚缸入面拎起左D 海鮮，之後仲喺席前處理同調製醬汁，成件事其實都好有趣，有得食又有得睇，偷下師都好丫嘛。師傅煮好左帆立貝之後，喺我地面前淋上烈酒再點火，突然間Feel 到個溫度唔同左同埋聞到好香既酒氣，熄左火之後就開始聞到黑松露既味道，總之就係超香啦，帆立貝肉質十分彈牙，浸住佢既湯汁都唔好浪費飲曬佢，個感覺有少少飲醉海鮮既感覺但又唔會過於濃烈💁🏻♀️青森縣夷鮑
下一道菜式鮑魚同樣地新鮮同彈牙，前十幾分鐘仲見佢游緊水，無耐就見到佢喺個鐵板上面跳舞，入口第一啖係好濃郁既牛油味，帶少少咸香，可能因為上面放左D 三文魚籽啦，更加突出到鮑魚既鮮味，另外個鮑魚肝臟都經過處理同燒香，食落脆脆的，加埋旁邊既海苔汁一齊食都十分唔錯💁🏻♀️法國藍龍蝦
龍蝦更加唔洗講啦，睇住師傅將佢起肉同烹煮，呢個過程真係睇到人地好肚餓，龍蝦肉用左佢既外殼煮成汁再調味，食到好濃郁既龍蝦醬，主要係食佢既肉感同埋口感，點少少岩鹽同胡椒已經好足夠啦💁🏻♀️日本熊本A5 和牛厚燒/日本熊本A5 和牛薄燒
到左紅肉，我地有兩個人既關係，所以揀左兩款唔同部位既A5和牛肉，厚切唔洗講啦，入口即溶而且帶有油香，肉質軟淋易咬開，點少少岩鹽已經足夠啦；而另外和牛薄燒反而係食個蔥香同蒜香，本身牛肉都算重味嫁啦，再喺入面包住炸蒜同蔥花，食落唔會太油膩但又食到和牛應有既口感，所以同車車 share 就剛剛好，每人每樣都試到少少💁🏻♀️香煎野菜
蔬菜方面，餐廳安排左冬菇、南瓜、茄子同蒜片俾我地，個人食到呢度已經8成飽啦，不過煎香左既蔬菜有著滿滿既牛油香，食過有點焦糖既甜味，應該係食材本身自帶甜味，經過煎香後令到甜度提升
💁🏻♀️刺身帶子豆腐鯛魚湯
食完濃味野，飲番個暖暖既鯛魚湯清清味蕾就最好不過，入面有好多豆腐，係我好喜歡的呈現奶白色既魚湯，飲完好滋潤💁🏻♀️黑松露三文魚籽海膽炒飯
Last but not least，到炒飯環節，即係到左呢一餐既尾聲啦，雖然當刻已經食到好飽，但見到個炒飯上面佈滿左大量海膽同埋飽滿既三文魚籽，又點會唔食埋落去呢，先唔講上面既靚食材，淨係個炒飯都俾95分啦，食落有鑊氣之餘仲粒粒分明，入面有D 蔬菜粒令到個飯有多重口感，而上面既海膽就更加唔洗講啦，又鮮又甜完全唔會有苦澀味，同三文魚籽既脆卜卜既口感有著強烈既對比，絕對係當晚餐飯既MVP💁🏻♀️鐵板梳芙厘雪糕
平時出去食既梳芙厘Pancake，竟然係鐵板燒餐廳入面既Set 甜品，味道絕對拍得上好多甜品店啦，我就揀左紅豆味雪糕，睇住師傅由粉漿將個Pancake 煎成形，再熱辣辣送到我地面前，上面淋左黑糖蜜同紅豆，食落唔會太滯，而且又凍又熱既冰火感覺令人好驚喜
张贴
