八木橋日式燒肉

营业中

休息中

呢個地方係一個我哋成日經過嘅地方，入邊嘅商場好靚，好多好新潮有趣嘅嘢玩，好適合年青人。呢一間燒肉都係一間賣相得睇，食物質素高嘅餐廳。今日嚟到佢買一送一，所以決定食一個接近$400一個人嘅套餐，除翻開其實每個人都係$200多少少，而且佢仲要係頭盤精美，食物質素好高。之後仲要可以任食任飲，呢個價錢真係一啲都唔話得。其實大家見到嘅每一樣野，都係好好味，我最欣賞嘅係佢有啲嘢係冇落調味料，直接俾我哋少，原汁原味，肉汁鮮嫩，各樣野就係食返佢原本嘅味道。如果唔夠未嘅話可以自己加鹽或者其他調味料。最欣賞係佢哋牛扒，同出邊100磅200磅果一類牛扒好相似，都係精雕細琢，比最好嗰部份我哋，你望吓都見到好靚呀，食落就真係回味無窮。美中不足嘅係，佢嘅飲品種類真係太少喇，如果可以多番一啲其他種類嘅飲品，我覺得會更加好。不過$200有咁嘅質素，我都覺得係物超所值。同埋可能依度比較新，暫時未有人發現佢嘅美好地方，大家可以借呢個機會你享受二人或者四人嘅燒肉套餐。