牡蠣小屋

营业中

休息中

餐廳環境好cozy, 有少少似居酒屋風格, 一邊係吧枱位, 另一邊係榻榻米, 主打日本牡蠣, 好多唔同菜式都會加入牡蠣。𓊈鐵盒燒生蠔 $𝟸𝟺𝟶𓊉店員將生蠔放入鐵盒, 然後倒入清酒, 燒完之後會幫手開曬先上碟, 好方便。生蠔隻隻都肥嘟嘟, 味道鮮甜, 帶有淡淡清酒味, 肉質結實飽滿, 唔使蘸點任何醬汁都已經好好食!𓊈鹽燒吞魚魚鮫 $𝟷𝟾𝟾𓊉吞魚魚鮫燒得好香口, 外皮帶少少酥脆, 肉質嫩滑, 入口即溶, 味道非常鮮甜, 可以蘸點側邊嘅醬汁, 味道帶少少酸味, 可以解油膩感。𓊈牡蠣泡菜鍋 $𝟹𝟾𝟶𓊉牡蠣雖然細細隻, 但係味道真係好鮮甜, 口感同食生蠔差不多, 泡菜鍋裡面有好多唔同蔬菜, 味道辣中帶甜。𓊈Kugura 彩虹魚生飯 $𝟸𝟶𝟾𓊉刺身放咗入個樽裡面可以打卡, 裡面有海膽, 吞拿魚, 三文魚籽, 牡蠣, 山芋蓉, 吞拿魚蓉等, 樣樣都新鮮。𓊈日本枝豆 $𝟺𝟾𓊉枝豆來自日本福崗, 帶有豆子本身嘅甜味同鹽嘅鹹香味, 質地柔軟, 口感酥脆, 好好食!𓊈蘋果汁 $𝟹𝟾𓊉蘋果汁味道清爽, 唔會太甜。