牡蠣不如帰

营业中

休息中

前幾日試到算係最近覺得最出色嘅拉麵店，唔單止拉麵好食，小食亦都特別出色！呢間新駐銅鑼灣店舖喺名店坊嘅另一個出口，比較隱秘，但又覺得同店舖風格幾襯。Menu做得簡約但精緻，款式唔算多，我哋就點咗牡蠣鹽味拉麵同白豚骨拉麵🍜！睇睇Menu見到呢度嘅小食都係與別不同，當然要試下啦！醬漬牡蠣一口飯，擺盤完全能將食物美態呈現！入口先有甜甜嘅醬漬味道，再有蠔肉嘅鮮濃味，加上脆口紫菜同自家製鮮蠔湯煮成嘅蠔飯，鮮味滿滿！牡蠣野菜天婦羅一樣出色，炸蠔原隻放回蠔殼上，更加吸睛，一咬開係同蠔肉連為一體嘅薄薄脆漿，同埋滑嘟嘟鮮甜又多汁嘅大大隻蠔肉！諗起都即刻想去食多次！原本以為呢份係炸魚柳，輕輕咬開先知係有香又甜嘅粟米！粟米炸成一排，輕咬一口就一粒一粒輕輕脫落，一睇就知師傅功力有幾利害！牡蠣鹽味拉麵幼滑爽彈，靈魂湯底- 牡蠣黃金湯，由三重湯底加上鮮蠔油同自定蠔醬煮成，充滿咸鮮香甜味道，而且一啲都唔腥，一般拉麵舖鮮有。白豚骨拉麵湯底濃厚，配有肥瘦相間嘅豚肉，脂肪入口香軟半溶，就連蔥絲都處理得特別細緻，食落無渣又夠香！蘋果同蜜桃焙茶清甜又夠果香！食完餐飯再望一望至發現原來呢間牡蠣不如歸係過江龍，喺東京連續拎咗幾年米