牛魔 (已結業)

小弟今日同女友人黎左去左k11 攞d野, 之後就去覓食啦.. 係k11 附近其實好多餐廳我地都試過晒.. 所以我地決定返去試熟識既味道, 我地再次黎牛魔燒下肉..今次我地叫左個豚肉五花腩，美國prime醬油牛肋骨，香蔥牛脷，櫻花餃子，日式炒烏冬同埋叫左麥茶黎飲... 我地對上一次食已經係1年前， 今次再食味道都keep到. 個燒五花腩好香口比我燒到脆脆哋咁勁juicy, 個醬油牛肋骨同之前食過味道一樣！超濃厚既醬油味而肉質燒極都好冧,個香蔥牛市薄得黎又幾有咬口點埋個特制醬汁食好開胃, 個櫻花餃子都煎得幾脆同埋d蝦乾一齊食好惹味, 最後食埋個日式炒烏冬就真係攬住個肚兩口子飽晒, 值得一提既係佢個麥茶係無限refill既, 燒住肉飲佢岩晒 又消濟..