琥酌 (已搬遷) 新店位置

之前見到元朗有間燒吉列豬已經好想試，但因為太遠又遲遲未有機會食。但有朋友話我聽尖沙咀都有一間吉列牛盛盒，仲要好近地鐵站，所以就book咗黎試吓啦。餐廳嘅空間好大，而且好寧靜，位同位之間有一定嘅距離，令人坐得好舒服，好適合朋友相聚，傾吓計。講返嘢食，首先佢嚟咗個沙律前菜，蔬菜非常新鮮，特別係佢入面加咗海蜇，令到呢個沙律份外清新。另一方面，通常餐廳唔係鹽燒就係炸雞軟骨，但呢度係鐵板明太子雞軟骨，味道好特別好有驚喜。最後當然唔少得我期待已久嘅吉列牛盛盒啦，佢嘅和牛非常高質，牛味濃，而且入口即溶；職員仲會分別話俾你聽唔同嘅部位要燒幾耐，等你可以享受到最美味嘅程度。