影片
更多
2021-12-21
1138 浏览
與朋友去咗呢間以日本和牛料理為賣點嘅餐廳，餐廳環境猶如置身日本居酒屋，店員亦好nice，值得推介👍🏻🏮前菜（$20/ 位）餐牌已註明前菜以每位計算，客人入座後就會送上。前菜款式每晚不一，當晚係沖繩水雲，味道酸酸地，清新又醒胃，好食到多點咗一份😋🏮薄燒和牛沙律（$88）和牛切成薄片，混合新鮮生洋蔥、沙律菜及車厘茄，加埋油醋汁一齊食完全唔覺得膩，味道仲好鬼夾，而且和牛份量唔少，以呢個價錢就食到和牛確係抵👍🏻🏮自家製芝士豆腐（$68）芝士豆腐有濃濃豆香及芝士味，口感綿密creamy似布甸，配新鮮芥末、木魚豉油及蔥花同食，味道會比較豐富及清新😋🏮芝麻醬油麥菜（$58）印象中好似無生食過油麥菜，原來口感與生菜無乜分別；以青瓜片卷住油麥菜，簡單蘸少少芝麻醬已夠好食，另清新爽脆嘅口感可中和和牛菜式嘅膩感😌🏮鐵板皇者和牛三食（$728）和牛均來自日本九州，分別係本部牛、鹿兒島黑牛及石垣牛，三款和牛都別具名氣；雖然和牛置於高熱鐵板上，但因底部墊滿洋蔥，所以和牛既可保持半熟，又可保持溫度，而且亦充滿洋蔥香，蘸少少柚子胡椒、岩鹽或洋蔥汁更好味😌本部牛油脂相對較少，與另外兩款相比會較有嚼勁，但肉質依然軟嫩；鹿
🏮前菜（$20/ 位）
餐牌已註明前菜以每位計算，客人入座後就會送上。前菜款式每晚不一，當晚係沖繩水雲，味道酸酸地，清新又醒胃，好食到多點咗一份😋
🏮薄燒和牛沙律（$88）
和牛切成薄片，混合新鮮生洋蔥、沙律菜及車厘茄，加埋油醋汁一齊食完全唔覺得膩，味道仲好鬼夾，而且和牛份量唔少，以呢個價錢就食到和牛確係抵👍🏻
🏮自家製芝士豆腐（$68）
芝士豆腐有濃濃豆香及芝士味，口感綿密creamy似布甸，配新鮮芥末、木魚豉油及蔥花同食，味道會比較豐富及清新😋
🏮芝麻醬油麥菜（$58）
印象中好似無生食過油麥菜，原來口感與生菜無乜分別；以青瓜片卷住油麥菜，簡單蘸少少芝麻醬已夠好食，另清新爽脆嘅口感可中和和牛菜式嘅膩感😌
🏮鐵板皇者和牛三食（$728）
和牛均來自日本九州，分別係本部牛、鹿兒島黑牛及石垣牛，三款和牛都別具名氣；雖然和牛置於高熱鐵板上，但因底部墊滿洋蔥，所以和牛既可保持半熟，又可保持溫度，而且亦充滿洋蔥香，蘸少少柚子胡椒、岩鹽或洋蔥汁更好味😌本部牛油脂相對較少，與另外兩款相比會較有嚼勁，但肉質依然軟嫩；鹿兒島黑牛肉味濃，油脂分佈及口感比較平均；石垣牛油脂含量最高，入口油香滿溢，但口感亦相對最膩。三款和牛高質且各有特色，未食前會覺得價錢偏貴，但食過後會覺得物有所值👍🏻啱晒牛魔王😋
🏮薄燒和牛壽司（$98）
一大片和牛蓋住一小舊壽司飯，根本係和牛多過飯😍店員會以火槍即燒和牛，客人可自選生熟程度或依建議燒至五成熟；和牛油花分佈平均，燒過嘅和牛油香更澎湃突出，入口即溶，配蒜泥及蔥花更惹味😋
🏮日式燒年糕（$68）
年糕本身已熟透，只需放於火爐上輕烤至微焦就可，過程必需要眼明手快，否則年糕會烤燶；年糕帶米香，口感外脆內煙韌軟糯，配黃豆粉、甘粟、紅豆或黑蜜同食會更滋味😋另賣相別緻，除咗食得又玩得外，仲好啱打卡📸
🏮甘栗丸子紅豆湯（$48）
紅豆湯以日本紅豆煮成，內裏有煙韌嘅年糕及香甜嘅栗子，另有金箔作點綴；甜綿暖胃嘅紅豆湯好啱冬天食，雖然味道偏甜，但與日本食到嘅味道相近😋
🏮Orion Draft Beer（$68）
🏮熱柚子檸薑蜜（$42）
柚子檸薑蜜好滋潤，而且薑味十足，冬天飲就最啱；另食和牛點少得啤酒，如想開懷暢飲一番可揀2小時飲品放題，價錢都只係約$200，都幾抵飲㗎👍🏻
张贴
