無極牛排 (已結業)

呢間無極真係啱晒一班牛魔王啦，呢間餐廳出名用石板黎燒牛肉而且有唔同款式唔同部位嘅牛肉俾大家揀。仲有最特別既地方就係佢會提供一個大既熱石比你自己煎塊牛排，要幾多成熟自己話事。大家可能會擔心d油同d肉汁勁得濟會彈到落件衫到，好彩呢度會提供比每個客人一件圍裙，都幾細心（雖然都會有漏網之魚）。係牛排上之前可以去簡岩自己心水既醬汁，目測都有8款左右，試過燒牛肉汁同芥末都唔錯，幾夾味。套餐方面我就揀咗牛小排，食落好淋得黎又非常juicy,都幾推薦大家一試。