616牛肉火鍋專門店 (三陂坊) (已搬遷) 新店位置

黎荃灣想打邊爐，今次無去平時既大鴻輝中心，揀左喱間都幾出名既616牛肉火鍋專門店。上年係元朗分店食過，印象幾好，今次黎荃灣再幫襯雖然係分店，元朗同荃灣既裝修完全唔同。荃灣喱間主打懷舊香港特色，有唔少舊香港既擺設，例如一d汽水樽，一入門口已經好注目。牆身亦有一幅牛肉檔既牆畫，好靚而且切合餐廳主題。擺枱亦有d似室內大排檔，裝修令我好有驚喜616主要食唔同部位既牛肉，我想食到多d牛味，所以揀番牛骨清湯。係Tablet Menu上揀左幾款佢推介既：牛頸脊、吊龍伴、牛朴肉、滑尾龍、紫菜卷、手打牛滑、封門柳、肩胛翼板。飲品就叫左菊花桂圓露，好清甜解渴，好推薦大家飲啊！記得上次係元朗食，上菜時幾款牛會放係一個木盤，食食下都會唔記得左食緊咩部位。而今次荃灣既做法就好好多，每碟上既時候會擺埋張飛仔，標清楚喱碟係咩部位上菜速度都好快，5分鐘內都黎齊。吊龍伴同牛朴肉相對牛味啖d，但點番佢個牛汁豉油就一流滑尾龍係要撈埋生雞蛋，淥熟之後咸咸地，幾得意牛滑就有d似手打牛丸肩胛翼板喱個部份好少見到，唔係太知咩黎，不過都唔錯，幾有肉味。不過最正既，絕對係牛頸脊同封門柳。牛頸脊絕對係打邊爐食牛一絕，而喱到切既厚薄好合適