喜鍋 海鮮‧火鍋‧小廚 (已結業)

平時冬天，阿叔都有去打開邊爐，不過都係鐘意任食多，事關阿叔食極唔飽既。今次老友記搵左呢間火鍋店，話睇中佢個牛魔王塔咁話。落到去，當然要揀個湯底先。平時就唔係清湯，就番茄，今次都想搞搞新意思。店員誠意推介花膠鯊魚骨湯底，見佢咁有誠意，就信你一次。三個大男人，當然要整個牛魔王塔同整碟蠔壯一壯。牛魔王塔果然名不虛傳，唔止足料，牛肉d紋都非常均勻，係高級野黎。食落口，當然唔洗講，一個字，正！而個蠔，都非常肥美，新鮮美味。最後，到個湯底。只可以講佢完全對得住佢個價錢，好鮮甜，又足料，今餐令平時咁大食既我都食得飽，都全靠我飲左三大碗湯！