牛魔 (已結業)

月尾出糧要同同事去食返餐好既，今次食呢間bookmark左好耐既牛魔，佢既燒肉太吸引喇。我同同事點左最吸引既燒肉套餐，一個係燒肉自選定食（七款盛），另一個係牛魔燒肉盛合。七款盛包括左7款完全唔同既肉類，包括不可缺少既牛、雞、豬等，牛肉既肉質真係好冇得頂，牛舌非常爽口，牛肉大部分都係入口即溶，因為佢既油脂分布大平均，用呢個價錢食到咁高質既肉係物超所值。如果只喜歡牛肉，一定要食牛魔盛合，所有牛既部分都好好食，不過如果有註明係牛邊個部分更加好。