季稻 (已結業)

牛頭角宜安街有呢間非常抵食嘅親民泰國餐廳，離觀塘APM有一段距離，但價錢平一大截，食物和飲品都非常高質～晚市套餐$249有三樣餸，另外仲有飯和飲品，如果三個人食，平均都只係$80蚊左右泰式冬蔭公湯連火爐上，熱辣辣飲最正，海鮮有蝦和蠔，仲有雜菇和蕃茄等，味道唔算辣，偏酸，非常開胃雜錦串燒（豬，牛，雞各2串）食得出係即燒，有咬口嘅肉質完全唔係翻燒，有輕微調味，仲有蜜糖香，個人認為唔使點醬汁已經好食，不過當然鍾意重口味嘅點汁更惹味炒通菜蒜蓉炒，夠鑊氣好食嘢飲推薦呢度自家製龍眼特飲，真係煲出嚟嘅龍眼蜜，清清甜甜充滿龍眼味，可冷可熱