季稻

营业中

休息中

今次我約左朋友去觀塘個康寧道球場踢波，踢前就有個波友話一齊食飯，咁就揀間附近既餐廳食啦，搵到呢間泰國菜都幾抵食，就決定呢度啦⚽️呢間餐廳環境都ok，見佢餐牌都好抵晚市都有d一人餐，價錢仲要好似lunch咁，仲有個2-3人餐，我地就揀左呢個😛晚市套餐 2-3人用Set A （$249）炒通菜首先就比大家揀菜類，4款裡面通菜最岩我，呢個通菜有少少辣，同幾有鑊氣，冇炒到太老，好食既一碟菜🥬泰式冬蔭功湯跟住就有兩款湯揀，我鐘意飲冬蔭功多d，佢辣得夠過癮，色水同味道都好，少少奶白色有d椰漿味，入面仲有3隻蝦，大量菇，同少量蕃茄，份量大約有4個飯碗咁多，一人兩碗好夠飲🌶️🥥🫕雜錦串燒（豬，牛，雞各2串）沙爹串燒控制個火侯做得幾好，d肉唔會燒到好乾，好柴咁，食落唔會韌，沙爹醬另上，合格有餘👏🏻珍寶原粒蟹肉芒果炒飯（另加$40）原本個餐配兩碗白飯，我地揀左串燒同白飯唔係好夾，就不如加錢轉個蟹肉炒飯，佢size都夠2個人食，有好多蟹肉之餘，仲有蟹籽同芒果，炒飯配芒果幾有特色，原本以為好怪，食落都ok，蟹肉同蟹籽撈埋炒飯食就好正😋飲品2杯凍泰式奶茶泰式奶茶有泰奶應有既椰香，但整體味道偏淡，濃d會更好飲🧋龍眼冰

朋友喺附近返工，佢話呢間泰國菜之前有同同事一齊食過午飯，覺得好抵食，所以呢一日就約埋我一齊黎試一試晚飯。 睇落個餐牌都幾抵食，2至3人餐都只係需要200幾蚊。於是我地就費事諗，所以就直接點呢個套餐。 炒雜菜好豐富，有粟米仔，椰菜花，芥蘭，蘿蔔，木耳等等。炒得好香口，而且蔬菜亦都新鮮。 椰奶雞湯呢個湯會用火熱住，保持溫度，湯要熱飲先至會更加好飲，呢個椰奶雞湯椰奶味濃郁，而且裡面材料亦都好豐富，有大量雞肉同菇。 泰式海南雞海南雞口感嫩滑，皮嘅油脂非常香，皮下脂肪亦都較少，很好吃，用來送飯一流。 蟹肉炒飯因為覺得食白飯比較普通，所以就加左錢轉左做蟹肉炒飯，估唔到蟹肉炒飯會有埋蟹籽同埋芒果，非常驚喜，芒果唔會酸，好新鮮，蟹肉亦都有鮮甜味，份量亦很多。 呢嗰二至三人餐份量非常豐富，所以都食到好飽。另外套餐亦都會包埋飲品，我地分別叫左凍檸茶同埋熱零水，呢度比較特別就係糖漿放喺枱面度可以自行調教。 呢度職員非常有笑容同好好禮貌，而且性價比真係好高，食物質素好之餘，價錢亦都非常貼地，有機會會同朋友再嚟食。

📍季稻牛頭角附近一帶有唔少野食，今次試呢間地道既泰國菜🇹🇭食物種類繁多，唔少泰式美食都可以呢度試到😍入到餐廳，牆身掛有唔同嘅泰式擺設，令人置身於泰國當中😍🦀咖哩粉炒軟殼蟹 （2隻）$178上枱時超震撼！軟殼蟹相當巨型🤩因為即叫即整，所以軟殼蟹食落好脆口！炸粉唔會好厚，而蟹肉都幾飽滿😝另外，個咖哩汁絕對係靈魂醬汁，係濃郁既黃咖喱😍麵包吸收曬啲咖哩汁，好正🤣份量多到夠3個人share食🦐炸蝦餅（4個）$88單點左一份炸蝦餅，蝦餅外脆內軟，蝦粒幾彈牙！蝦味偏重，有調味過～沾埋個魚露醬食味道唔錯😌🍢沙嗲拼盤 $90成個拼盤包豬、牛、雞各兩串🥳每串既份量都幾多，亦都比較大件！食完之後比較推薦牛同雞，牛肉唔韌，牛肉味足；另外雞既口感較嫩，幾有驚喜😉🥬炒通菜 $68通菜炒得幾有鑊氣！！！可以揀蒜蓉炒、泰式炒同蝦醬炒，今次試左蒜蓉炒通菜，炒得好有火候，菜食落爽脆但唔會覺得好油膩；一向少食菜既我表示食左成碟菜😍🥥椰子啫喱係餐廳自家製嘅甜品，menu上都冇既～食到一絲絲嘅椰子，味道幾清甜！啫喱亦甜甜地，味道幾唔錯🥥泰國椰青 $40果然係泰國既椰青，飲落清甜！幾解油膩感～🍍菠蘿沙冰 $38係咁熱既天氣飲真係

星期五放工同朋友出嚟食個飯，去咗公司附近嘅一間泰國菜，朋友話佢食過覺得唔錯㗎。六點幾放工就過嚟，店內暫時得兩三枱客，店員示意隨便坐，坐低後好快便送上餐牌同埋水，睇下食咩先🤔好多嘢都想食喎，咁就炒碟菜，叫兩個餸，再加個主食啦🤤⭐泰式海南雞半隻先嚟海南雞半隻，雞件已去骨，肉好嫩滑同好入味，點埋個海南雞醬酸酸辣辣咁更加正，不過雞皮都幾肥，食咗幾件之後有啲罪惡感，都係去一去皮先😆⭐鐵板鮮蠔奄列呢個蠔仔蛋係至愛，幾乎次次食泰國菜都會叫一碟，估唔到呢度個鐵板蠔仔奄列好有驚喜喎，上枱時鐵板熱辣辣滋滋響，傳來陣陣香味，蠔仔飽滿肥美，份量仲好多添，蛋雖然喺鐵板上面燒住，但仲好嫩滑好有蛋汁，個蠔仔蛋本身已經好正，點埋佢送上嘅醬汁更加無敵，個醬汁入口係酸甜味，但最後會有少少辣味帶出嚟，正到想攞嚟撈飯食🤤⭐蝦醬炒椰菜苗一上枱就聞到蝦醬嗰種鹹香鮮味，個人就好鍾意呢陣蝦醬味😆椰菜苗爽口翠嫩，落咗蝦醬同辣椒同炒鹹鮮惹味，淨係呢味餸都可以食到幾碗白飯呀🤤⭐菠蘿海鮮炒飯最後仲有泰國菜名物菠蘿海鮮炒飯，朋友諗住會有個菠蘿殼做碗，但餐廳放上一條燒過嘅菠蘿肉切粒上碟，咁樣擺盤咪仲靚😍炒飯炒得香口唔油膩，入面有魷魚、青口、大蝦

以前宜安街附近全部都係salon，今日經一經過，發現多左好多食肆，可能成條街轉型中，搵食之際見到間門面幾正式嘅泰菜，所以就入去試下。椰汁冰、龍眼冰 🅰️🅰️🅰️🅰️🅰️呢d天氣飲返杯真係無得輸，而且大大杯，椰汁夠濃味、而龍眼冰d龍眼都幾多，清涼又涼甜菠蘿炒飯🅰️🅰️🅰️🅰️🅰️飯粒粒粒分明，夠乾身，黃薑粉味好出，有樣嘢抵讚就係佢地用新鮮菠蘿炒，唔係用罐頭就已經夠誠意。馬拉盞炒通菜🅰️🅰️🅰️🅰️🅰️呢間通菜真係值得一試，夠鑊氣，出面好多都會落醬落到勁咸，但呢間我覺得算係啱啱好，食到菜味，菜身爽脆，連埋蝦乾一齊食好夾🥰冬蔭公湯 🅰️🅰️🅰️🅰️夠辣亦都有椰漿味，所以好惹味😋湯料夠多，有菇、香茅又有海鮮，佢地嘅蝦係用新鮮嘅，食落有蝦味，辣得好過癮。係觀塘內街有間有質素嘅餐廳，見出面人流通常係等緊小巴返緊屋企嘅人，所以大家不妨入去內街搵下嘢食，推介大家嚟試下！

今次同朋友入去季稻試下泰式料理🧡不用等位非常好 餐廳鋪位都幾大裝修光猛 令人坐得十分舒服店內食品主打咖哩、冬蔭公、串燒同埋泰式飲品🏵️晚市套餐都幾抵食架~~✨「烤豬頸肉」 $88份量都幾多 肉質鮮嫩多汁 入口即溶帶有適度嘅香料調味 且有油脂感呢道菜無疑係呢頓餐點嘅亮點 ~ 必點!✨「冬蔭公湯」 (小) $98 湯頭濃郁🦐湯料豐富酸辣相宜 好開胃啊!✨「珍寶原粒蟹肉芒果炒飯」 $118蟹肉炒飯看似簡單 但口感卻特別細緻蟹肉蟹籽同埋飯粒融為一體 食落去好足鑊氣芒果超甜🥭好好食丫✴️✨「泰式奶茶」$18香醇濃郁 枱面有枝糖水 自己加糖漿「珍多冰」$28清爽可口🤍為呢頓泰式大餐增添咗清新感可惜甜度固定 口味偏甜總括嚟講 呢間小館嘅泰式料理每一道都好出色不論係肉類、湯品定飲品 都展現咗泰式料理嘅層次感同風味

放工見到依間街坊小店食泰國嘢好吸引，同朋友試吓😆 店員推薦食呢個晚市二人套餐，好抵又飽肚！🥬炒通菜清新可口的新鮮的通菜😋😋 以簡單的調味料如蒜、醬油、辣椒等炒製而成,保留了通菜的鮮甜滋味，健康又美味🍢沙嗲串燒 (包括豬牛雞)東南亞風味的經典小吃。將豬、牛、雞肉用沙嗲醬料醃製后串燒而成,外酥裡嫩,佐以沙嗲醬食用格外美味😆作為開胃菜或者小吃都很合適～🍲椰奶雞湯香濃醇厚的雞湯，以新鮮雞肉熬煮，加入椰奶、薑、蒜、菇等調料，散發濃郁的椰香和鮮甜的口感，搭配白飯食好正😍 雞肉份量超多！🍚白飯兩碗仲叫咗龍眼冰同椰汁冰，好好味呀😚😚

「咖喱牛腩農夫包」 ─ 違背承諾的失望之作用外賣,點了一份自稱是「咖喱牛腩」的菜式,結果卻發現完全沒有牛腩,而全是一些牛筋。這是什麼情況?這完全顛覆了我對這道菜的期望和想像!我叫外賣諗住食咖喱牛腩,結果卻被充滿咖喱牛筋所取代。究竟係咩把戲?餐廳方是不是想糊弄顧客?牛腩和牛筋的口感和風味完全不同,怎麼能夠互相替代呢?我很遺憾地說,這道所謂的「咖喱牛腩農夫包」完全違背了原本的承諾,使我從一開始就失去了對這道菜的期待。我真心希望餐廳方能夠真正尊重顧客,提供符合菜單描述的正宗咖喱牛腩。否則,我將不得不重新考慮是否再次光顧。搵外賣平台退錢，佢話餐廳堅持話有牛腩，無得退，咁都得🤬

觀塘呢間小店嘅泰國菜認真唔錯🫶🏻 佢哋嘅晚市套餐夠晒兩至三個人食份量大到不得了🫶🏻 而且味道同埋賣相都真係唔錯🤣.🐷炒芥蘭
首先我哋就揀咗炒芥蘭 呢道炒芥蘭非常嫩滑 既不會乾柴 又唔會太軟爛芥蘭配搭蒜茸油非常襯味 簡單嘅炒法能夠突出食材本身嘅鮮甜🫶🏻.🐷椰奶雞湯
呢碗椰奶雞湯濃郁香滑 椰奶味道濃厚 但唔會太膩 雞肉肉質鮮嫩 非常軟滑煙韌 都幾吸引人😂 一上菜就吻到香😹😹 湯頭嘅味道相當鮮甜balanced 簡直係必點之選🥥🐔.🐷豬頸肉
呢塊豬頸肉煙滑入味 外皮微焦 肉質扎實分明 非常鮮甜 醬汁調配得宜 唔會太鹹太甜 反而係恰到好處 令肉質更添風味🐷.🐷蟹肉炒飯
呢碗蟹肉炒飯粒粒分明 蟹肉鮮甜彈牙 米飯底子好 唔會軟爛 點食都好味 蒜香料抓得宜 令口感更加豐富🫶🏻🦀.🐷凍檸茶
作為飲品 呢杯凍檸茶清爽解渴 酸甜適中 冰鎮過後飲落好爽口 係個不錯嘅餐後小酌選擇 😗.季稻📍觀塘宜安街17號地舖.#吃貨日常#香港#茶餐廳#Cafe#麵包#西餐#中餐#日本菜#韓國菜#泰國菜#堂食#好西#食#香港美食 #hkfoodie #foodiehk #觀塘 #觀塘好去處 #觀塘美食

收工夜咗決定同同事食埋飯先返去!餐廳內有唔少泰式嘅擺設！環境都OK! 仲有客人喺度食飯慶祝生日添🎉🎉今晚晚餐：🥗生菜豬肉沙律🍲冬陰功海鮮湯🍛珍寶原粒蟹肉芒果炒飯🍹珍多冰 & 龍眼冰生菜包依然係我第一首選👍🏻👍🏻肉碎份量多! 有埋九層塔同埋檸檬葉！清爽可口嘅生菜包住惹味嘅肉碎! 好食🤤🤤招牌蟹肉炒飯賣相睇落去有啲普通! 居然係全晚嘅MVP‼️每一啖充滿蟹味‼️芒果同蟹籽令到口感更加豐富‼️清曬碟‼️冬陰功好足配料!! 大蝦，魷魚，菇類，香茅等等⋯飲落酸酸辣辣!! 但唔係好辣嗰種口味❤️‍🔥美中不足今晚餐係冇甜品嘅⋯賣曬⁉️🫠🫠埋單又唔貴，好值得推介! 🧡🧡🧡

在牛頭角附近吃了家街坊泰菜，見很多人幫襯。價錢不太貴。點了碟烤豬頸肉$88，分量十足，應有整塊豬頸肉，烤得很香，肥瘦適中，配有泰式辣汁，很開胃。冬蔭功海鮮湯$138，很大一窩，連爐一起上，配料有尤魚，青口和菇等等，比較酸和咸，但不辣的，泰式蛋包蝦金邊粉$118，賣相精緻，有兩隻大蝦，然後用蛋皮包住炒金邊粉，喜歡它微甜口味，因為有些店會做得太甜，這個味道不錯。飲品試了青檸梳打和泰式奶茶，欣賞這店所有飲品糖水自己落，枱面有糖水，可以自行調教甜度。裝修風格平實，坐得舒服，不會太迫，另外還有晚市套餐，有二人的都有一人的。套餐價錢比較抵食。

通常隱世小店都係有返咁上下質素，果然官塘季稻都係相當有驚喜! 一入門口已經有種好似去咗泰國的感覺，牆身掛了很多泰國裝飾，而且裝修亦很雅緻，座位闊落舒服，未食已經加哂分我地2個人點左幾個菜，已經相當足夠，每個菜份量都係大大份，而且價錢亦好相宜。-咖喱牛腩包將咖喱牛腩放進麵包內，麵包點滿咖喱汁好惹味，牛腩入味之餘唔會話好靭，送飯必選。-炒椰菜苗不嬲都好鐘意食椰菜苗，因為唔係好多地方食到，炒得夠哂火候之餘又唔會過老，唔錯! -泰式豬頸肉新鮮燒豬頸肉啖啖肉，脆邊加上好入味，啱哂食肉獸的我們， 十分開胃。-泰式雞肉乾炒河份量足，而且真係炒得好乾身，食落唔會話好滯，為我們的晚飯劃上完美句號。 必需一提飯後一杯龍眼冰，真係一個透心涼，龍眼冰真材實料無另外加糖水架，而且我最愛食龍眼肉，完全唔同坊間好多食店只有幾粒，成10粒真係好抵讚!

今日同朋友係觀塘聚會，朋友話想食泰國菜，咁啱經過呢間裝修好傳統泰國特色既鋪頭，就一於去試下！生菜包🥬肉碎肥瘦適中，調味係酸酸甜甜，有些許香茅味！好開胃！生菜好新鮮，包住啲肉碎，一咬落去裡面肉汁爆發曬出來！好正！大蝦炒河粉🍤啲蝦新鮮而且大隻，河粉都算幾滑，而且分量好足，兩個人食到飽飽的！海南雞（半份）🍗海南雞肉質嫩滑，啲皮彈牙，而且有「啫喱」，骨膠原滿滿！總括來說呢度餐食味道不俗，價錢合理，係平民之選！

鄰近牛頭角地鐵站，行幾分鐘就到，抵食二至三人套餐，都只是$249.0性價比極高,十分地道，值得推介-椰奶雞湯滋陰嘅椰奶雞湯，內有大量秀珍菇，香茅，南薑，檸檬葉等及香嫩雞肉，椰奶清甜，香滑可口及滋陰，雞肉嫩滑-炒通菜通菜爽脆，炸蒜惹味，微辣，十分地道-泰式海南雞海南雞皮滑肉嫩，雞味濃，配埋特製醬汁好食到停唔到口加40蚊仲可以升級轉食蟹肉炒飯，炒飯粒粒分明，內有蟹子，食落有脆卜卜的感覺，炒飯面有肉蟹，新鮮拆好嘅蟹肉份量多，整個飯好鮮甜惹味套餐仲包兩杯飲料升級可轉龍眼冰，青檸梳打

雖然朋友前排去完泰國，但大家都掛住泰國菜，所以搵了呢間泰國餐廳。晚市套餐都好抵食。⭐️泰式海南雞雞肉煮得十分嫩滑，一點都唔「鞋」，點埋佢個泰式醬汁，帶點微辣，超級正。⭐️火車炒飯炒飯係濕炒個類，有菜、炒蛋、豬肉等配料，好豐富好飽肚。⭐️冬蔭功海鮮湯海鮮湯有蝦、魷魚、青口、菇、蕃茄等配料，超級足料。湯底帶有酸辣的味道，非常開胃。雖然天氣熱，但我同朋友都飲了很多。⭐️龍眼特飲⭐️椰汁冰龍眼特飲同椰汁冰好消暑。