味道好正而且價錢幾抵！值得一試👍
試過3款丼，覺得牛肉丼>豚肉丼>牛舌丼
1️⃣牛角次男坊丼（牛肉丼）$93
😍d牛肉疊到山咁高，賣相一流！仲要傳黎陣陣燒烤香！ 食落d牛肉仲好濃牛味、好鬆化，襯埋d紫菜食都唔錯，紫菜唔會好快淋，食果時仲脆！
2️⃣豚肉丼 $89
豚肉冇牛肉咁濃，但個醬汁加番分，鹹中帶少少甜，幾開胃，豚肉丼有隻溫泉蛋，送飯一流😍😍😍 ！
3️⃣牛舌丼 $79
牛舌都幾淋，而且幾香，但較為薄切😢冇牛肉丼同豚肉丼分量咁多，但鍾意牛舌既朋友都可以一試👍！ ！
總括黎講，依間餐廳性價比好高，唔洗$100食到咁大碗燒肉丼，而且有麵豉湯同野飲，真心抵玩！ ！
