Urban Bakery (已結業)

一向鍾情麵包，尤其牛角包及Danish.........呢間位處希慎的包店，初開張時亦大排長龍…一向唔係點想排隊既我，當然等熱潮過後先食啦！早前食過佢既原味牛角同朱古力牛角，甚為滿意。今次再食另外兩款…菠蘿牛角同杏仁牛角…杏仁牛角大家都唔會見外，已經成日見，這邊做的沒有塗上杏仁醬，亦無劏開中間夾杏仁醬夾心，當然不夠杏仁口味，但卻是一個較為健康的選擇，兼且焗的酥脆可口，包面灑上砂糖，增加口感及甜度！Good...菠蘿牛角是比較特別的一款包，其實無咩難度，純以菠蘿皮移植到牛角包上，不過有D創意，比較小人咁做！菠蘿皮亦香脆唔會淋身…這邊的菠蘿皮比出面菠蘿包的菠蘿皮還做得好係賣相略略差少少，唔夠脹卜卜！但我買了約半日後才吃的，還能保持香脆，算是不錯了！現在正推出流奶牛角包呢…越玩越出位了！