錦麗 (德福廣場1期)

营业中

休息中

終於等到肥髀出來，約了在德福廣場食晚餐，首選呢間越南菜🇻🇳，之前觀塘排長龍，一直都未試，今日去到呢間門口，已圍上拉繩，我前面只有兩張枱，所以即刻可以入座，裝修光鮮，新潮有特式，色彩亮麗，尤其喜歡黃色藤織網椅子，加竹織織筲箕燈罩，帶越南特色又唔娘！食物選擇唔算多，好快揀好！食物好快到！錦麗生牛肉河（$60）賣相靚，湯底好香，先跟餐牌指示，乜都唔落飲啖湯，夠熱清澈香濃，越南湯粉味攻陷味覺，跟湯粉嘅一杯香葉芽菜好足夠，最愛九層塔葉，好新鮮，好香，芽菜係肥短芽菜，爽脆清甜！加青檸汁清新，湯入面已有青蔥、洋蔥、芫茜，配上惹味湯底，好香喔～～河粉薄身好滑，牛肉浸熟，牛肉薄身唔嚡，牛肉味濃，用餐牌教授，撈甜辣醬沾牛肉食，真係吊出牛肉鮮味，整體好味，不過份量太少，男仔會唔夠飽！錦麗牛丸河（$60）賣相靚，上咗牛丸，好爽好彈牙，入面有肉汁，好好味（平時我唔喜歡食牛丸的）魚香芒果米紙卷（$22）一份切半兩件，賣相色彩繽紛好靚，半透明軟身煙韌，入面嘅蔬菜爽脆，芒果酸甜開胃，鹹魚香口惹味！沾埋酸醋汁更開胃！清新爽口椰青（$36）肥髀飲，佢讚呢個椰青啲椰肉好易挖起！爽嫩好食凍越南滴漏咖啡（$28）劃錯凍飲，當嘗