牛摩+ (上水廣場) (已結業)

到秋天（雖然體感仍然夏天）最適合打邊爐😚😚Vivian之前食過牛摩覺得d牛肉真係唔錯，今日想打邊爐就決定食多次😋😋Menu👉🏻👉🏻揀完套餐&湯底，然後用QR code落單&出去拎野食揀左特選美國牛肩胛餐（with湯底：港式特濃沙爹湯 & 博多美人骨膠原啫喱雞白湯）（Vivian表示個白湯好似自己一樣咁可愛）想講個沙爹湯底淥牛肉食超正，沙嗲湯味道唔會太哽/辣，好夠沙嗲香味，唔洗點豉油食都好入味，d牛肉唔係其他餐廳嗰啲普通肥牛，有好明顯嘅分別，牛肉唔鞋口，有牛香同嫩，有幾塊唔小心淥耐左但係都唔韌👍🏻👍🏻而個白湯唔知係咪Vivian認住佢有骨膠原，用黎淥野食真係有種黏滑既膠質感😍😍完左一輪瘋狂點牛肉，Vivian想食埋個飯結尾，想講好彩有點埋個飯，個肚8成飽，都仲覺得碗飯好惹味，佢上面d牛肉加醬送飯超正😋