肉搏食堂 (已結業)

話說我同男朋友都經常係厚福街蒲頭嘅😅，有一次見到呢一間新鋪開張，見到個Menu又幾啱我哋食喎，又有慢煮牛啦😍，香煎鵝肝😍啦，又有刺身飯😍啦，好似為我哋而設咁㗎，於是乎我哋咪黎試吓囉😌我同男朋友分別嗌咗慢煮牛肉飯，另外嗰個係香煎鵝肝配牛肉飯，至於係牛嘅邊個部位，我就唔太記得了，foodie 🥳們可以去Menu度自己再睇吓😚基本上慢煮牛配生日本蛋呢個組合係可以嘅，分量還可以啦，醬汁比較少，食到最後好似冇汁送飯咁，有啲乾有啲寡囉至於鵝肝配牛肉飯，味道係OK嘅，但我想講我作為一個女仔都覺得唔夠食，點解？因為啲餸同飯嘅比例真係好差，啲餸實在太少喇，啲汁又唔夠，最後食剩好多飯，但唔係因為我飽，而係冇餸食😫總括來講，雖然大概佰二佰三一個餐，個質素算係咁，但個問題係我唔夠食，好唔滿足囉，即係你要再嗌小食先至可以用嚟送飯😅😅😅所以我覺得嗰個飯同餸嘅比例，其實應該有調節嘅空間，價錢嘅上調我覺得冇問題嘅，最緊要係合理囉，唔係好似我而家咁食到到喉唔到肺