影片
更多
2006-11-19
26 浏览
敏&大頭文食評<一>星期六放假,晏晝專登去o左試下呢度既lunch,好彩趕到兩點半前去到,o岩o岩last order。雖然就到閂門時間,但係仲係好full,我地被安排坐去壽司bar前面既台,望住星光大道同會展,環境都幾好叫o左一份牛肉鐵板燒($130)加一份雜錦壽司定食($170)。牛肉鐵板燒:-雜菜沙律: 好好食,個汁酸酸地幾好味-燒蝦+青口:可以揀蝦或者魚,個蝦ok啦唔係好大隻,燒青口就好好食-燒牛肉加雜菜:揀o左厚燒,雖然叫o左八成熟,但中間都幾生下,不過都燒得幾嫩好多汁又唔un。牛肉上面仲有一堆蒜片,同牛肉夾埋一齊食好香。另外仲有一大碟芽菜-炒飯:賣相好靚,味道一般(可能我地唔係坐鐵板檯,所以無之前網友提過既麵包墊底)雜錦壽司定食:-蟹籽沙律: 又係好好食,連本身唔鍾意食沙律既我都覺得好好,o的青瓜切得好幼,好爽-壽司:十件壽司,蝦同海膽好好食(海膽放o係魷魚上面),其他魚生就ok啦,幾新鮮-烏冬(可以揀蕎麥麵):好彈牙(好食過赤丸),好好食,上面仲有o的菜芯添另外仲有一堆前菜同個麵豉湯,唔知係跟邊個set既,前菜既茄子就咸o左o的以為食日本野份量會好少,但係
星期六放假,晏晝專登去o左試下呢度既lunch,好彩趕到兩點半前去到,o岩o岩last order。雖然就到閂門時間,但係仲係好full,我地被安排坐去壽司bar前面既台,望住星光大道同會展,環境都幾好
叫o左一份牛肉鐵板燒($130)加一份雜錦壽司定食($170)。
牛肉鐵板燒:
-雜菜沙律: 好好食,個汁酸酸地幾好味
-燒蝦+青口:可以揀蝦或者魚,個蝦ok啦唔係好大隻,燒青口就好好食
-燒牛肉加雜菜:揀o左厚燒,雖然叫o左八成熟,但中間都幾生下,不過都燒得幾嫩好多汁又唔un。牛肉上面仲有一堆蒜片,同牛肉夾埋一齊食好香。另外仲有一大碟芽菜
-炒飯:賣相好靚,味道一般
(可能我地唔係坐鐵板檯,所以無之前網友提過既麵包墊底)
雜錦壽司定食:
-蟹籽沙律: 又係好好食,連本身唔鍾意食沙律既我都覺得好好,o的青瓜切得好幼,好爽
-壽司:十件壽司,蝦同海膽好好食(海膽放o係魷魚上面),其他魚生就ok啦,幾新鮮
-烏冬(可以揀蕎麥麵):好彈牙(好食過赤丸),好好食,上面仲有o的菜芯添
另外仲有一堆前菜同個麵豉湯,唔知係跟邊個set既,前菜既茄子就咸o左o的
以為食日本野份量會好少,但係原來都好多呢,未食個飯都已經覺得好飽喇
食完之後仲有每人一個紅豆雪糕,都幾好食呀,不過係應該拎o左出黎一陣所以有少少溶溶地
雖然鐵板燒既檯o係房裡面,但係我地一路食一路都覺得油煙幾大,唔知如果坐入房會唔會好煙呢。睇返個全日既menu o的set要幾百至千幾蚊一個,夜晚黎食都應該幾貴,lunch就值得一試
张贴
