陳儀興牛什粉麵 (鴻祥大廈)

营业中

休息中

旺角咁多好嘢食，次次都唔知食咩好，今日經過見到呢間牛腩粉麵竟然有牛嘅特別部位，咁就一於嚟試吓啦。原來呢度嘅牛脆骨一日先會運貨兩次，咁就好似新鮮啦，咁我梗係叫一個牛脆骨試吓啦。一上枱樣子好似雞軟骨咁，但係一眼又口真係好大分別。佢係類似濃味嘅牛，加上雞軟骨，口感同味道都一流啊，唔怪得咁多人想試啦。而且除咗牛脆骨之外仲俾咗幾嚿牛腩我，兩樣襯埋真係好好食呀。朋友唔食牛，所以揀咗雲吞河，試咗佢一粒雲吞，雲吞都好大隻，而且入面有三隻蝦，下次食都應該會再試雲吞呀。而且呢度除咗粉麵之外，仲有唔少雜物，我就認為呢個炸魚餅最出色，因為入面材料好豐富，而且炸嘅時間都啱啱好。非常建議大家經過旺角嘅時候嚟試吓呢間啦，價錢又平而且材料好充足。