影片
港铁旺角站 E2 出口, 步行约6分钟
继续阅读
电话号码
60239939 (WhatsApp)
营业时间
今日营业
10:30 - 01:00
星期一至日
10:30 - 01:00
以上资料只供参考，请与餐厅确认详情
今日嚟到旺角广华街附近觅食，天气热所以食少少嘢就OK，呢间餐厅主打牛腩同埋不同牛嘅罕有部位，今次就拣咗牛脆骨同试一试佢嘅招牌云吞😋餐牌上面有不同套餐，可以跟埋油菜同埋嘢饮都几优惠！今次加咗少少钱换咗凉茶，啱晒呢啲咁热嘅天气饮啦😀🐮 牛脆骨河粉 牛脆骨熬得够入味，唔会韧，啖啖有胶质感，软硬适中都几爽口，再配上滑溜弹牙嘅河粉，食落够晒滋味，汤底系牛腩汁，够晒潮州地道风味。🍤 自制鲜虾云吞河粉 云吞皮薄得嚟有弹性，包住嘅大大粒原只虾肉，食落鲜甜爽口，猪肉馅细腻而唔油腻，调味带出鲜味。滑溜嘅河粉吸收咗清甜嘅汤底，汤底用大地鱼、虾壳熬制，香气自然又经典。🍤 炸虾枣丸 外层炸得金黄香脆，虾肉馅鲜甜带弹牙口感，加入调味料令味道丰富，咬开软熟中带甜香，好惹味又开胃。🥬 腐乳通菜 通菜爽脆，加咗腐乳酱汁咸香浓郁带少少酒香。🥦 蚝油菜心 菜心煮得啱啱好，淋上浓稠嘅蚝油提鲜，简单得嚟又健康。☕ 五花茶 传统五花茶有甘草、桂花等中药材料，味道甜中带花香，清新解腻帮助消化。☕ 罗汉果茶 罗汉果茶天然清甜且带淡淡果香，润喉又滋润，系润肺解渴嘅好选择。
继续阅读
喺旺角收工，想简单食d野，路过见到间餐厅入面都好多人，再望一望食粉面嘅，啱食！抱住人多都应该唔差嘅心态一试。见有个”招牌极罕有牛脆骨”，真系闻所未闻，就梗系要试下佢la⭐️牛脆骨河粉+22蚊转套餐就包埋油菜或者鱼皮、汤或者饮品，我就拣左生菜及冻柠茶牛脆骨食落爽脆，但系又唔硬，食落有d似食紧软骨嘅感觉，好有惊喜，好香牛味，真系食过一次返唔到转头呀，太正la，另外要一赞，葱同蒜分开上，好细心，同埋d蒜好香😋生菜虽然跟餐，但系都大大份，卖相都好靓，生菜食落好新鲜，仲要唔overcook,食落仲好爽口😋，系我钟意嘅口感黎，好难得😍⭐️炸云吞炸云吞跟埋我最爱嘅甜酸酱，咬落脆卜卜，炸得够亁身，食落有惊喜，入面有d猪肉，仲有大大只虾添，咬落好弹牙，好足料，大大粒😍店员嘅服务好好，已经好少见la,抵赞呀👍一个人食饭冇野做，最钟意就系四围望，见到有张poster写住”下载会员app,积分当钱洗”，li间铺头值得再encore,下载埋先😍
继续阅读
餐厅：陈仪兴牛什粉面地点：旺角烟厂街菜色：牛什粉面餐牌：招牌之宝、潮州风味、招牌潮州粉面、特色推荐、陈记小食、稀有重点推介等等。崩沙腩汤面 $59我第一次食崩沙腩，真系好食到！又爽脆又淋，牛味又浓，令我忍唔住食嗮全部肥膏。一客有8件，份量好多！幼面系完美弹牙口感，又有蛋香，加枱上红醋一齐食简直系人间美食。葱花同咸菜放匙羹。转餐加$22,就包一碟菜或者炸鱼皮同紫菜汤或者基本饮品。腐乳通菜 腐乳通菜 份量大概有大半碗，茎脆叶嫩，配适量腐乳又系超好食，平时自己系屋企唔会整。罗汉果茶 加$2基本饮品转罗汉果茶加$2，系瓶装，方便卫生，好浓罗汉果味，天然甜味。章鱼金手指 $32章鱼金手指系新野，一客两条再一开二，即叫即炸热辣辣，原来好似肠仔。食落外皮少脆内多汁，口感弹牙，见到章鱼肉,垫有两片新鲜生菜。另上甜酸酱可降温。今餐最钟意崩沙腩汤面同腐乳通菜 。座位都干净，上菜快速。
继续阅读
餐厅干净企理，墙上仲有啲好有香港特色嘅壁画，影相打卡都几啱！「陈仪兴」呢个名除咗潮洲菜出晒名，连粉面都一样高质仲好有特色可以食到牛既罕有部位，真系要畀个👍🥢 牛脆骨幼面 + 芥兰 (腩汁) + 冻柠茶今次叫咗个牛脆骨幼面，配上芥兰同浓浓嘅腩汁，满足感爆棚！牛脆骨系牛肋骨附近嘅软骨，食落爽脆弹牙，咬下去有阵阵牛肉香，咁大个女第一次食！几特别！菜有生菜/通菜/菜心同芥兰拣，唔钟意太咸，唔配蚝油，更爱配腩汁，芥兰吸咗腩汁，几好！加杯冻柠茶，就系至正港式配搭！原本仲想试牛沙瓜。牛沙瓜，系牛嘅第四个胃，系可遇不可求嘅罕有部位！可惜佢唔系日日有货，食唔食到要撞运气。今次我运气麻麻，有啲失落。🥢 崩沙腩虽然无牛沙瓜，但崩沙腩系镇店之宝，招牌必试！人多叫净食，大家share正！肉质炆到软腍入味，肥瘦比例啱啱好，咬落去牛既浓香四溢，单靠呢个已经救回失落牛沙瓜嘅遗憾感！🥢 炸鱼条另外叫咗份炸鱼条，咬落有淡淡嘅鱼鲜味，份量啱啱好，系个简单又满足嘅小食。今次食到牛脆骨同崩沙腩已经好满足，下次要再战佢哋其他嘅罕有部位，冲住呢个目标再去旺角朝圣啦！🍜✨😆
继续阅读
旺角闹市中人气好旺嘅牛杂粉面店，有多种罕有部位选择，食材新鲜，服务亲切友善，系附近街坊日常食饭好去处。 .🌟牛脆骨面 牛脆骨面选用罕有牛脆骨部位，慢熬汤头清澈。面质爽口有弹性，同脆骨嚼感相映成趣。加入辣油后香气更盛，滋味提升。 .🌟崩沙腩饭 崩沙腩系牛腩中较为矜贵嘅部位，取自牛嘅横膈膜，特点系筋膜连住少少肉，软腍味香，肥瘦刚好，牛味香浓，米饭吸收腩汁精华，入味好食。 .🌟怀旧凉拌鱼皮 鱼皮口感爽脆弹牙，毫无腥味。以经典酱油、香油同葱丝简单调味，重现传统风味。加埋花生增添香气，酸甜开胃。 .🌟罗汉果茶 茶色深润，入口温和甘甜，带有独特嘅天然焦糖香气，冰镇后清爽解渴。 .👍加入会员送香葱蛋卷或花生糖，都系好食零食，真材实料，值得推荐～
继续阅读
您可能会有兴趣的...