影片
更多
2022-06-21
820 浏览
.📍Le Viet📍#饅頭去尖沙咀 #饅頭食越南菜------------------------------1️⃣ 柚子海鮮沙律 ($78)魷魚、鮮蝦、柚子、青木瓜絲同腰果，拌以柚子汁同傳統越式魚露，酸甜中帶辣，清爽開胃，腰果香氣同crunchy口感更係點精之筆🥜。◾評分：7.8/10------------------------------2️⃣ 牛油雞翼 ($72)牛油雞翼不得了，外皮炸到金黃鬆脆，牛油香氣成功滲入炸衣🧈♥️，令雞翼多咗一種酥酥嘅層次；雞翼juicy入味，入囗蒜香同雞翼肉汁爆發😋，差啲辣親嘴，非常香口惹味嘅菜式，仲可以落鮮青檸汁減下膩。◾評分：8.5/10------------------------------3️⃣ 越式咖哩牛腩配印式薄餅 ($105)咖哩係一直用小火爐滾熱， 呢點幾隻得加分；但咖哩嘅味道係微辣偏甜，黃薑粉mix椰漿嘅比例較重，有少少蓋過洋蔥同薯仔香氣，味道上唔算特別啱我心水，印度薄餅我都係鍾意配香料味再濃郁啲嘅咖哩；牛腩全部都炆得幾腍，但係份量唔多。至於薄餅唔係特別酥脆，冇乜太大記憶點，感覺同樣價位會有更好嘅選擇。◾餅底：3.2/5◾餡料：3.7/5◾
📍Le Viet📍#饅頭去尖沙咀 #饅頭食越南菜
------------------------------
1️⃣ 柚子海鮮沙律 ($78)
魷魚、鮮蝦、柚子、青木瓜絲同腰果，拌以柚子汁同傳統越式魚露，酸甜中帶辣，清爽開胃，腰果香氣同crunchy口感更係點精之筆🥜。
◾評分：7.8/10
------------------------------
2️⃣ 牛油雞翼 ($72)
牛油雞翼不得了，外皮炸到金黃鬆脆，牛油香氣成功滲入炸衣🧈♥️，令雞翼多咗一種酥酥嘅層次；雞翼juicy入味，入囗蒜香同雞翼肉汁爆發😋，差啲辣親嘴，非常香口惹味嘅菜式，仲可以落鮮青檸汁減下膩。
◾評分：8.5/10
------------------------------
3️⃣ 越式咖哩牛腩配印式薄餅 ($105)
咖哩係一直用小火爐滾熱， 呢點幾隻得加分；但咖哩嘅味道係微辣偏甜，黃薑粉mix椰漿嘅比例較重，有少少蓋過洋蔥同薯仔香氣，味道上唔算特別啱我心水，印度薄餅我都係鍾意配香料味再濃郁啲嘅咖哩；牛腩全部都炆得幾腍，但係份量唔多。至於薄餅唔係特別酥脆，冇乜太大記憶點，感覺同樣價位會有更好嘅選擇。
◾餅底：3.2/5
◾餡料：3.7/5
◾評分：6.9/10
------------------------------
4️⃣ 香茅燒豬頸肉撈檬 ($75)
呢個Dish小編冇映到相，主要原因係佢上枱時候豬頸肉嘅香茅mix焦碳香實在太誘人，我都未嚟得切映屋企人就分咗莊🤦🏻♀️。
不過呢度嘅豬頸肉真係好值得一試，豬頸肉唔會片到太薄，外皮燒到深褐色，入口帶微微焦脆；內裡肉顏色粉嫩🐷，表面泛著恰到好處嘅油份同光澤，每一塊嘅口感都係鬆軟爽彈唔韌口，脂香四溢😆，同濃郁香茅味道產生和諧嘅碰撞；豬頸肉自身肥油部分比例唔會過高，同時勝在有惹味嘅青檸醬油辣椒汁幫助降低油膩感。檬粉係透明嗰款，口感正常，唔會會黐埋一齊，仲有甜甜酸酸嘅魚露、檸檬葉同花生幫手增添香氣。
◾評分：8.3/10
------------------------------
5️⃣ 香芒糯米飯 ($59)
甜品都做得唔錯，白糯米同紫糯米飯都非常之濕潤綿糯，米香充足🍚；芒果size夠大，唔會好酸，配埋質地濃稠香甜嘅椰漿，幾好食。
◾評分：7.9/10
------------------------------
🔸整體評分：7.9/10
🔸小編回頭率：7.5/10
张贴
