Hugo Le Resto Grill (已結業)

銅鑼灣可以話系香港美食嘅其中一個集中地。有好多商業大廈入面都會有啲好特別嘅餐廳，今次就試下呢間叫Hugo Le Resto Grill 嘅西式扒房。首先喺度食晚餐嘅客人都可以喺沙律Bar 到自由點選配搭沙律，食完仲可以無限次添加! 餐湯係龍蝦湯，碗湯都幾足料，一碗都有4粒小帶子，湯味濃得嚟又唔會咸。美國紐約客牛扒 ($308)紐約客牛排取牛前腰脊肉，含些少脂肪，是最適合用於煎烤的牛排部位，呢塊排8oz，5成熟，外表煎到呈灰褐色，但切開核心部份仍為粉紅色，可見廚師煎得恰到好處。牛扒肉質夠彈性有嚼勁，內軟外脆，血汁成功咁鎖住係牛扒嘅核心，配埋黑椒汁，味道一流~老虎大蝦配黑松露忌廉飯($298)呢個忌廉飯，唔算太Creamy，兩隻大蝦舖係飯面，大蝦肉質鮮甜，好有蝦嘅鮮味。粒粒嘅蘑菇同黑松露帶出咗忌廉飯嘅香味，雖然個飯睇落唔算太大個，但黑松露同忌廉混合埋，真係會幾滯。