Steak Bar (已結業)

登龍街成條街都係餐廳，今日同朋友黎 steak bar 食日式燒肉，雖然係燒肉，但吾覺油煙。餐牌選擇貴精不貴多，但樣樣都好吸引。頂級板腱牛扒5成熟，火喉控制得好好。牛扒目測都有兩吋厚有多，好 juicy。沾少少蒜鹽再配上炸蒜片，真係好正。石燒薄切牛肉，上枱時石板上係有塊牛油，溶左就可以放牛肉上去燒，慢火煮薄牛， 牛肉好嫩滑，入口即溶。同牛扒完全兩種口感。雞軟骨餃子，外面煎得香脆，入面有雞軟骨好有口感。炸薯條配上和風紫菜，別有風味。